Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Isaya 52:1-15

LITABA ZE MWAHALI

  • Zuha! Wena Sione! (1-12)

    • Ki amande hahulu mahutu a babatisa taba yende (7)

    • Balibeleli ba Sione bahuwa inze baswalisani (8)

    • Babalwalanga lisebeliso za Jehova balukela kukena (11)

  • Mutanga Jehova ukapahamiswa (13-15)

    • Ponahalo yesinyehile (14)

52  Zuha! Zuha! Uapale maata,+ wena Sione!+ Uapale liapalo zahao zende,+ wena Jerusalema muleneñi okenile! Kakuli yasika ya kwa mupato ni yamasila hasana kukena ku wena.+   Itutule maluli, zuha mi uine, wena Jerusalema. Tepetisa mawenge ainzi mwa mulala wahao, wena mwanaa Sione wamusizana yahapilwe.+   Kakuli Jehova sabulela ki se, uli: “Neulekisizwe kusina tifo,+ Mi ukaliululwa kusina masheleñi.”+   Kakuli Jehova Mulena Yapahami ka Kufitisisa, sabulela ki se, uli: “Sapili sicaba saka nesishetumukezi kwa Egepita kuyopila sina bazwahule;+ Mi Maasiria babanyandisa kusina libaka.”   “Cwale ki sika mañi senika eza fa?” kubulela Jehova. “Kakuli sicaba saka nesiingilwe kusina tifo. Babusi babona bazwelapili kuhuwa ka kuitumbaeta,”+ kubulela Jehova, “Mi kamita, lizazi kaufela, libizo laka lashwaulwa.+   Kabakaleo, sicaba saka sikaziba libizo laka;+ Mi kabakaleo, bakaziba ka lizazi leo kuli ki Na yabulela. Hamubone, ki na!”   Ki amande hahulu fa malundu, mahutu a yatisa taba yende,+ Yashaela litaba za kozo,+ Yatisa taba yende ya lika zende hahulu, Yashaela za kupiliswa, Yali ku Sione: “Mulimu wahao ubile Mulena!”+   Teeleza! Balibeleli bahao batumusa kwa manzwi abona. Bahuwa ka tabo inze baswalisani, Kakuli bakaiponela hande* Jehova hakakubukanya Sione.   Hamuwabelwe, muhuweleze ka tabo inze muswalisani, mina matota a Jerusalema,+ Kakuli Jehova uomba-ombile sicaba sahae;+ uliuluzi Jerusalema.+ 10  Jehova ubonahalisize lizoho lahae lelikenile fapilaa meeto a macaba kaufela;+ Kaufela baba kwa mafelelezo a lifasi bakaiponela misebezi ya kupilisa* ya Mulimu waluna.+ 11  Hamuzwe, hamuzwe, hamuzwe mwateñi,+ musike mwaswala sesimasila!+ Hamuzwe ku yena,+ muikenise, Mina babalwalanga lisebeliso za Jehova.+ 12  Kakuli hamuna kufunduka ka kuikalelwa, Mi hamuna kutokwa kubaleha, Kakuli Jehova uka mizamaya kwapili,+ Mi Mulimu wa Isilaele uka misileleza mwamulaho.+ 13  Hamubone! Mutangaaka+ ukaeza lika ka kutwisiso. Ukapahamiswa fahalimu, Ukapahamiswa ni kububekwa hahulu.+ 14  Sina batu babañata hane bamulubukezi ka kukomoka —Kakuli ponahalo yahae neisinyehile hahulu kufita ya mutu ufi kamba ufi Mi sibupeho sahae nesisinyehile hahulu kufita sa batu— 15  Ukakomokisa macaba amañata+ ka mukwa oswana. Malena bakaimuma* fapilaa hae,+ Kakuli bakabona nto yene basika bulelelwa kale Mi bakanahanisisa nto yene basika utwa kale.+

Litaluso ze kwatasi

Kamba “ka meeto.”
Kamba “tulo.”
Kamba “bakatokwa sakubulela.”