Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Isaya 50:1-11

LITABA ZE MWAHALI

  • Sibi sa Isilaele sitahisa matata (1-3)

  • Mutangaa Jehova yasepahala (4-11)

    • Malimi ni mazebe a babalutilwe (4)

50  Jehova sabulela ki se, uli: “Likai liñolo la teleko+ la maa mina, yenilelekile? Kamba ki ufi ku baba nikolotezi yene nimilekisize ku yena? Hamubone! Nemulekisizwe kabakala bufosi bwamina,+ Mi maa mina naalelekilwe kabakala lifoso zamina.+   Cwale kiñi hane nisika fumana mutu hane nitile? Ki kabakalañi hane kusina yaalaba hane nibiza?+ Kana lizoho laka ki lelikuswani kuli lipalelwe kuliulula Kamba kana hanina maata a kulamulela?+ Hamubone! Niomisa liwate ka kalimelo yaka;+ Nitahisa kuli linuka libe lihalaupa.+ Litapi zazona zabola kabakala kutokwa mezi, Mi libulaiwa ki linyolwa.   Nikwahela mahalimu ka lififi,+ Mi niaapesa lisila la saka.”   Jehova Mulena Yapahami ka Kufitisisa unifile lulimi lwa babalutilwe,*+ Kuli nizibe mwakualabela* yakatezi ka linzwi leliswanela.*+ Unizusa zazi ni zazi kakusasana; Uzusa zebe yaka kuli niteeleze sina babalutilwe.+   Jehova Mulena Yapahami ka Kufitisisa utibuluzi zebe yaka, Mi nenisika hana.+ Nenisika ya mwa nzila isili.+   Nenifile mukokoto waka ku bane baninata Ni malama aka ku bane baabeuzi.* Nenisika pata pata yaka kwa lika zekokobeza ni kwa kukwelwa mati.+   Kono Jehova Mulena Yapahami ka Kufitisisa uka nitusa.+ Ki lona libaka hanisike nakokobezwa. Ki lona libaka haniezize pata yaka sina licwe lelitiile,+ Mi naziba kuli hanina kuswabiswa.   Yena yanibulela kuba yalukile ufakaufi. Ki mañi yakona kunitama taba?*+ Luyeme hamoho.* Ki mañi yanizekisa? Asutelele ku na.   Hamubone! Jehova Mulena Yapahami ka Kufitisisa uka nitusa. Ki mañi yaka nifa mulatu? Hamubone! Kaufelaa bona bakasupala sina siapalo. Bakaciwa ki mafele. 10  Ki mañi mwahalaa mina yasaba Jehova, Yateeleza kwa linzwi la mutangaa hae?+ Ki mañi yazamaile mwa lififi lelituna, kusina liseli? Asepe libizo la Jehova mi atiyele* ku Mulimu wahae. 11  “Hamubone! Mina kaufela babatumbula mulilo, Baba utatalakanisa, Muzamaye mwa liseli la mulilo wamina, Mwahalaa mulilo otatalakana omutumbuzi. Se ki sona semuka amuhela mwa lizoho laka: Mukalobala inze muutwa butuku bobutuna.

Litaluso ze kwatasi

Kamba “lulimi lolulutilwe hande.”
Kamba mwendi, “mwakutiiseza.”
Linzwi ka linzwi, “ka linzwi.”
Kamba “bane bakumula mulelu.”
Kamba “yanilwanisa.”
Kamba “lutalimane.”
Kamba “aitinge.”