Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Isaya 35:1-10

LITABA ZE MWAHALI

  • Paradaisi ikutiswa sinca (1-7)

    • Libofu bakabona; bo susu bakautwa (5)

  • Nzila Yekenile ya babaliuluzwi (8-10)

35  Lihalaupa ni naha yeomile likanyakalala,+ Mi lihalaupa likawabelwa ni kutubula lipalisa sina safrani.+   Likatubula lipalisa;+Likawabelwa ni kuhuweleza ka tabo. Likafiwa kanya ya Leba­noni,+Ni bunde bwa Karmele+ ni bwa Sharoni.+ Bakabona kanya ya Jehova, bona bunde bwa Mulimu waluna.   Mutiise mazoho afokola,Mi mutiise mañwele ashekesha.+   Mubulelele bababilaela mwa lipilu, muli: “Mutiye. Musike mwasaba. Hamubone! Mulimu wamina ukataha kuto kutiseza lila zahae bumaswe bwazona,Mulimu ukataha kuto bakutiseza kulikana ni likezo zabona.+ Ukataha kuto mipilisa.”+   Ka nako yeo, meeto a libofu akabona,+Mi mazebe a bo susu akatibululwa.+   Ka nako yeo, lihole likatulaka sina lizwii,+Mi lulimi lwa limumu lukahuweleza ka tabo.+ Kakuli mezi akawelauka mwa lihalaupa,Mi linukana likabuba mwa lihalaupa.   Naha yecisa, yeomile ikafetuha sibaka sa mezi sa mataka,Mi naha yesina mezi ikawelauka mezi.+ Mwa misima mone kubuta mawawa+Kukamela bucwañi bobutala ni mataka ni kuma.   Mi kukaba ni nzila mwa­teñi,+Yona nzila yebizwa Nzila Yekenile. Yasika kena haa­na kuzamaya mwateñi.+ Ibulukezwi yalumelelizwe kuzamaya mwateñi;Hakuna sikuba sesika fapuhela mwateñi.   Tau haina kuba mwateñi,Mi hakuna libatana zebuhali zekahata mwateñi. Halina kufumanwa mwateñi;+Babaliuluzwi ki bona feela babaka zamaya mwa­teñi.+ 10  Babaliuluzwi ki Jehova bakakuta+ ni kutaha mwa Sione inze bahuweleza ka tabo.+ Tabo yesafeli ikaba mushukwe kwa litoho za­bona.+ Bakawabelwa ni kunyakalala,Mi hakusana kuba ni maswabi ni kutonga.+

Litaluso ze kwatasi