Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Isaya 33:1-24

LITABA ZE MWAHALI

  • Katulo ni sepo ya babalukile (1-24)

    • Jehova ki Muatuli, Mutomi wa Mulao, ni Mulena (22)

    • Hakuna yakali: “Nakula” (24)

33  Bumai ki bwahao, wena sisinyi yasika sinyiwa;+Wena mubeteki yasika betekiwa! Hase usinyize babañwi, ni wena ukasinyiwa.+ Hase ubetekile babañwi, ni wena ukabetekiwa.   Wena Jehova, haku lushemube.+ Sepo yaluna i ku wena. Ube lizoho* laluna+ zazi ni zazi kakusasana,Mi ube mupilisi waluna mwa nako ya ziyezi.+   Habautwa mulumo wa mifilifili, batu babaleha. Hauyema, macaba aha­sana.+   Sina nziye yelapile haikubukana, ni tutu yeuhapile ni yona ikakubukanywa cwalo;Batu bakamatela ku yona sina sikutu sa nziye.   Jehova ukapahamiswa,Kakuli uyahile mwa libaka za kwahalimu. Ukataza Sione ka katulo yelukile ni ka kuluka.   Ki yena yakutiisa mwa linako zahao;Puluso yetuna,+ butali, zibo, ni sabo ya kusaba Jehova+—Ki bona bufumu bwahae.   Hamubone! Lindume zahae zalila mwa likululu;Linumwana zahae za kozo zabokolola.   Linzila liyubekilwe;Hakuna mutu yazamaya mwa makululu. Hasika* mamela tumelelano;Uhanile mileneñi;Haana taba ni mutu.+   Naha yalila* mi yaletuka. Lebanoni iswabile;+ ibolile. Sharoni ibile sina lihalaupa,Mi Bashani ni Karmele litutula matali azona.+ 10  Jehova uli: “Cwale nikayema,Cwale nikaipahamisa;+Cwale nikaipubeka. 11  Muitwala bucwañi bobuomile mi mupepa mataka. Moya wamina uka micisa sina mulilo.+ 12  Mi macaba akaba sina laimu yeca mulilo. Bakaciswa mwa mulilo, sina miutwa yelemilwe.+ 13  Mina babakwahule, muutwe zenika eza! Ni mina babafakaufi, mulemuhe maa­ta aka! 14  Baezalibi baba mwa Sione bakenezwi ki luwewe;+Bakwenuheli basweli bangangama, inze bali: ‘Ki mañi ku luna yakona kupila mwa sibaka mokunani mulilo ocisa?+ Ki mañi ku luna yakona kupila mwa malimi aasakoni kutimiwa?’ 15  Mutu yazwelapili kuzamaya ka kuluka,+Yabulela litaba zelukile,+Yahana kufumana lika ka kusasepahala, ili ka bupumi,Yahana kuamuhela kweta mwa mazoho, mi hai­swali,+Yatiba mazebe ahae kuli asike autwa za milelo ya kusulula mali,Ni yakwala meeto ahae kuli asike abona sesimaswe 16  —Ukaina mwa libaka zelumbile;Masabelo ahae aatiile afumaneha* mwa libaka za silelezo za macwe,Ukafiwa lico zahae,Mi mezi ahae haa­na ku­kala.”+ 17  Meeto ahao akabona mulena mwa bunde bwahae;Akabona naha ye kwahule. 18  Mwa pilu yahao, ukahupula* taba yesabisa, mi ukali: “Muñoli wa litaba ukai? Ukai yanaaweitanga ñamba?+ Ukai yanaabalanga lita­wala?” 19  Hamusana kubona batu babanani kashwau,Batu ba puo yetaata* hahulu kuiutwisisa,Ba lulimi lolukukuma, lomusa koni kuutwisisa.+ 20  Hamubone Sione, ona muleneñi wa mikiti ya­luna!+ Meeto ahao akabona kuli Jerusalema ki sibaka sa kozo,Ili tende yesike yasutiswa.+ Limapo za tende yayona halina kukumulwa nikamuta,Mi hakuna muhala wayona okapumiwa. 21  Kono mwateñi, Jehova, yena Yomutuna,Ukaba sibaka saluna sa linuka, sa maabwa aa­tami,Kokusike kwaya lisepe za lilaboNi kokusike kwafita lisepe zetuna. 22  Kakuli Jehova ki Muatuli waluna,+Jehova ki Mutomi wa Mulao waluna,+Jehova ki Mulena waluna;+Ki Yena yaka lupilisa.+ 23  Mihala yahao ikalepelela;Haikoni kutiisa musumo wa sisepe kamba kubapula seili. Ka nako yeo, tutu yeñata yehapilwe ikaabiwa;Mane ni lihole likaikungela tutu yeñata yehapilwe.+ 24  Mi hakuna yayahile mwa naha yakali: “Nakula.”+ Batu babapila mwa naha bakaswalelwa bufosi bwabona.+

Litaluso ze kwatasi

Kamba “maa­ta.”
Ili kutalusa sila.
Kamba mwendi, “yaoma.”
Kamba “Sibaka sahae sesilumbile sa silelezo sifumaneha.”
Kamba “kukengeyela.”
Linzwi ka linzwi, “yetibile.”