Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Isaya 18:1-7

LITABA ZE MWAHALI

  • Lushango ka za Etopia (1-7)

18  Bumai ki bwa naha mo kuutwahala mulumo wa mafufa a likokwani Mwa sibaka sa linuka za Etopia!+   Naha yeo iluma linumwana ka nzila ya liwate, Kuli lifite mwa mezi ka lisepe za mataka, inze ili: “Hamuye, mina linumwana zelubilo, Kwa sicaba sa batu babatelele, ba matalo abuleta,* Kwa sicaba sesisabiwa kai ni kai,+ Kwa sicaba sesimaata, sesitula lindwa,* Seo naha yasona ikukiswa ki linuka.”   Mina kaufela babayahile mwa naha ni mina babapila mwa lifasi, Semubona sikaswana sina sisupo* sesiyemisizwe fa malundu, Mi mukautwa mulumo oswana sina mulumo wa lunaka haulizwa.   Kakuli Jehova sanibulelezi ki se, uize: “Nikaitulela inze niikuzelize mi nikatalima* sibaka saka sesitiile, Sina kubenya kwa liseli la lizazi hakucisize, Sina puka yewanga ka nako ya kutulo hakucisize.   Kakuli kusika kutulwa kale, Lipalisa hase lifelile mi selifetuhile miselo ya veine yebuzwa, Mitai yeshoshela ikapumiwa ka licekesi Mi mitai ikapumiwa ni kuzwisiwa.   Litupu zabona kaufela likasiyelwa linyunywani zeca nama za fa malundu Ni libatana za mwa lifasi. Linyunywani zeo lika baca ka nako ya litabula, Mi libatana kaufela za mwa lifasi lika baca ka nako ya kutulo.   Ka nako yeo, Jehova wa limpi ukatisezwa mpo, Yezwa kwa sicaba sa batu babatelele, ba matalo abuleta,* Kwa sicaba sesisabiwa kai ni kai, Kwa sicaba sesimaata, sesitula mwa ndwa,* Seo naha yasona ikukiswa ki linuka, Itiswe kwa sibaka sesibizwa ka libizo la Jehova wa limpi, kwa Lilundu la Sione.”+

Litaluso ze kwatasi

Linzwi ka linzwi, “sicaba sesitelele, sesibenya.”
Kamba “sicaba sesitiile hahulu, sesihatikela.”
Kamba “musumo wa sisupo.”
Kamba mwendi, “nikatalima ninze nili mwa.”
Linzwi ka linzwi, “sicaba sesitelele, sesibenya.”
Kamba “sicaba sesitiile hahulu, sesihatikela.”