Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Isaya 15:1-9

LITABA ZE MWAHALI

  • Katulo yekatahela Moabi (1-9)

15  Ki ye katulo yekatahela Moabi:+ Ari+ wa Moabi ukuzisizwe, Kakuli usinyizwe mwa busihu bulibuñwi. Kiri+ wa Moabi ukuzisizwe, Kakuli usinyizwe mwa busihu bulibuñwi.   Ukambamezi kwa Ndu* ni kwa Diboni,+ Kwa libaka zelumbile kuyo lila. Moabi ulila Nebo+ ni Medeba.+ Litoho kaufela libeuzwi tukolotwi,+ mi milelu kaufela ibeuzwi.+   Mwa linzila baapezi masila a saka. Fa lituwa za mandu abona ni mwa mapatelo abona, kaufelaa bona babokolola; Bashetumuka inze balila.+   Ba mwa Heshiboni ni Eleale+ balila; Manzwi abona autwahala mane ni kwa Jahazi.+ Ki lona libaka baana ba Moabi babalwezi lilwaniso habasweli kuhuwaka. Mi wangangama.   Pilu yaka yalila kabakala Moabi. Bababandukile ku yena basabezi kwa Zoari+ ni kwa Egelati-shelishiya.+ Bakambama ñambamo ya Luhiti inze balila; Baliba kwa Horonaimi inze babokolola kabakala kozi yeezahezi.+   Kakuli mezi a Nimirimi akalile; Bucwañi bobutala buomile, Bucwañi bufelile mi hakusana simela sesitala sesisiyezi.   Ki lona libaka habalwezi lika zene siyezi kwa lika zene babulukile hamohocwalo ni sifumu sabona; Basila musindi* wa likota za popula.   Kakuli muhuwo wabona uutwahalela mwa naha kaufela ya Moabi.+ Sililo sabona siizo fita ni kwa Egelaimi; Mi sililo seo siizo fita ni kwa Beere-elimi.   Kakuli mezi a mwa Dimoni atezi mali, Mi kusanani lika zeñwi zenibulukezi Dimoni: Kukataha tau yekabulaya ba mwa Moabi babaka baleha Ni babaka siyala mwa naha.+

Litaluso ze kwatasi

Kamba “Tempele.”
Kamba “mulapo.”