Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Isaya 12:1-6

LITABA ZE MWAHALI

  • Pina ya buitumelo (1-6)

    • “Jah Jehova ki yena maata aka” (2)

12  Ka lizazi leo, ukali: “Wena Jehova, naitumela ku wena, Kakuli niha neu ninyemezi, Buhali bwahao nebukuyukile hanyinyani-hanyinyani, mi neu niomba-ombile.+   Hamubone! Mulimu ki yena mupilisi waka.+ Nika musepa mi hanina kusaba sesiñwi;+ Kakuli Jah* Jehova ki yena maata aka, ki yena yanitiisa, Mi ubile mupilisi waka.”+   Mukaka mezi inze mutabile Mwa maweluwelu apilisa.+   Mi ka lizazi leo, mukali: “Hamuitumele ku Jehova, mubize libizo lahae, Muzibahaze likezo zahae mwahalaa macaba!+ Muzibahaze kuli libizo lahae lipahamisizwe.+   Muopelele Jehova milumbeko,*+ kakuli uezize lika zende, zetuna hahulu.+ Taba ye, izibahazwe mwa lifasi kaufela.   Muhuweleze mi muhuwe ka tabo, mina babayahile* mwa Sione, Kakuli Yakenile wa Isilaele ya mwahalaa mina ki yomutuna.”

Litaluso ze kwatasi

“Jah” ki kupumela libizo la Jehova.
Kamba “Muopelele Jehova.”
Linzwi ka linzwi, “wena musali yayahile,” ili kutalusa batu kaufela.