Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Hosea 8:1-14

LITABA ZE MWAHALI

  • Kukutula zemaswe zetahiswa ki kulapela milimu ya maswaniso (1-14)

    • Kucala moya, kukutula liñungwa (7)

    • Isilaele ulibezi Mubupi wahae (14)

8  “Beya lunaka kwa mulomo wahao!+ Kunani yataha sina mbande kuto lwanisa ndu ya Jehova,+ Kakuli basilafalize tumelelano+ yaka ni kutula mulao waka.+   Bahuweleza ku na, inze bali: ‘Mulimu waka, luna Maisilaele lwakuziba!’+   Isilaele uhanile nto yende.+ Andongwamiwe ki sila.   Baketile malena, kono isiñi ka kulumelezwa ki na. Baketile manduna, kono nenisa bazibi. Baezize milimu ya maswaniso ka silivera ni gauda yabona,+ Kuli bayundiswe.+   Wena Samaria,+ namani yahao ihanilwe. Buhali bwaka bubatukezi.+ Bakaanga nako yekuma kai inze bapalelwa kuikenisa kwa mulatu wabona?*   Kakuli izwa mwa Isilaele. Iezizwe ki sikwala sa misebezi ya mazoho, mi haki Mulimu; Namani ya Samaria ikatubiwa buemba-emba.   Kakuli bacala moya, Mi bakakutula moya wa liñungwa.+ Hakuna lutaka lolubeya bubeke bobubuzwize;*+ Sesimela kaufela hasitahisi fulaulo. Haiba kubeiwa sesiñwi kwateñi, uzibe sikamiziwa ki bazwahule.*+   Isilaele ukamiziwa.+ Cwale mwahalaa macaba,+ Bakaswana sina piza yesatabelwi.   Kakuli bakambamezi kwa Asiria,+ sina mbongolo ya mwa naheñi yepila inosi. Efraimi uipatezi linyazi.+ 10  Nihaike kuli baipatela zona mwahalaa macaba, Cwale nika likubukanya; Bakakala kunyanda+ kabakala mushimbo obaka imezwa ki mulena ni manduna. 11  Kakuli Efraimi uatisize lialetare zahae kuli aeze sibi.+ Zafetuha lialetare faezeza sibi.+ 12  Neni muñolezi litaba zeñata za mwa mulao* waka, Kono nelingilwe sina nto yesazibahali.+ 13  Banifa limpo za matabelo, mi baca nama, Kono Jehova hatabiswi ki zona.+ Mi ukahupula bufosi bwabona ni kubafa koto kabakala libi zabona.+ Bakutezi* kwa Egepita.+ 14  Isilaele ulibezi Mubupi+ wahae mi uyahile litempele,+ Mi Juda uatisize mileneñi yesilelelizwe.+ Kono nikalumela mulilo mwa mileneñi yahae, Mi ukacisa litawala mwa muleneñi ni muleneñi.”+

Litaluso ze kwatasi

Kamba “bapalelwa kuba babakenile?”
Kamba “bobuyemi.”
Kamba “bakusili.”
Kamba “litaelo.”
Kamba mwendi, “Bakakutela.”