Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Hosea 3:1-5

LITABA ZE MWAHALI

  • Hosea utusa musalaa hae wa mubuki (1-3)

  • Isilaele ukakutela ku Jehova (4, 5)

3  Cwale Jehova ali ku na: “Zamaya hape, uyo lata musali yalatwa ki muuna usili ili yaeza bubuki,+ uyo mulata sina Jehova mwalatela sicaba sa Isilaele+ bona niha basikuluhela kwa milimu isili+ ni kulata mañende a miselo ya veine yeomile.”*  Ka mukwa ocwalo, naitekela yena ka lishekele za silivera ze 15 ni tikanyezo ya homere* ni hafu ya mabele.  Kiha nili ku yena: “Ukaba waka ka mazazi a mañata. Usike waeza buhule,* mi usike walobala ni muuna usili, mi ni na nikaeza cwalo ku wena.”*  Kucwalo kakuli sicaba sa Isilaele sikapila ka nako yetelele* sisina mulena,+ sisina nduna, sisina sitabelo, sisina musumo, sisina efoda+ ni maswaniso a literafimi.*+  Hasamulaho, sicaba sa Isilaele sikakuta kuto bata Jehova Mulimu wabona+ ni Davida mulenaa bona,+ mi bakataha ku Jehova inze bangangama kuli babone bunde bwahae, mwa mazazi a mafelelezo.+

Litaluso ze kwatasi

Fo kikuli, yeitusiswa mwa bulapeli bwa buhata.
Homere ki tikanyezo mone kukwana malita a 220. Mubone Litaba Zeekelizwe B14.
Kamba “buitamaeli.”
Kamba “Hanina kulobala ni wena.”
Linzwi ka linzwi, “mazazi amañata.”
Kamba “milimu ya mwa mandu; milimu ya maswaniso.”