Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Hosea 14:1-9

LITABA ZE MWAHALI

  • Kupo ya kukutela ku Jehova (1-3)

    • Kufa milumbeko ya milomo yaluna (2)

  • Kufolisa kusasepahala kwa Isilaele (4-9)

14  “Wena Isilaele, ukutele ku Jehova Mulimu wahao,+ Kakuli usitatalile kabakala bufosi bwahao.   Ukutele ku Jehova ka manzwi a, Umubulelele, uli: ‘Uswalele bufosi+ bwaluna mi uamuhele zende zezwa ku luna, Mi lukafa milumbeko ya milomo yaluna+ sina mone lukafela lipohwana.*   Asiria haana kulupilisa.+ Haluna kuzulama lipizi,+ Mi halusana kubulelela misebezi ya mazoho aluna kuli: “Ki wena Mulimu waluna!” Kakuli ki ka wena mwana yasina ndatahe* hashemubiwa.’+   Nika bafolisa mi bakatuhela kusasepahala.+ Nika balata ka kuitatela,+ Kakuli nizwisize buhali bwaka ku yena.+   Nikaswana sina puka ku Isilaele; Ukatubula lipalisa sina liyangayanga Mi ukaisa mibisi yahae kwatasi sina likota za kwa Lebanoni.   Tutai twahae tukanamalala, Bunde bwahae bukaswana sina bwa kota ya olive, Mi munko wahae omunde ukaswana sina wa Lebanoni.   Bakapila hape mwa muluti wahae. Bakacala bubeke mi bakatubula lipalisa sina kota ya veine.+ Libubo* lahae likaswana sina waine ya kwa Lebanoni.   Efraimi ukali, ‘Nikatokwelañi hape milimu ya maswaniso?’+ Nika mualaba ni kumubabalela.+ Nikaswana sina kota ya Junipa yebonahala hande. Ukafumana muselo wahao ku na.”   Ki mañi yabutali? Autwisise litaba ze. Ki mañi yanani kutwisiso? Alizibe. Kakuli linzila za Jehova lilukile,+ Mi babalukile bakazamaya ku zona; Kono baezalibi bakasitatala mwateñi.

Litaluso ze kwatasi

Linzwi ka linzwi, “mone lukafela lipohwana ka milomo yaluna.”
Kamba “ndiala.”
Linzwi ka linzwi, “Kupulo.”