Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Hosea 11:1-12

LITABA ZE MWAHALI

  • Lilato la Mulimu ku Isilaele kuzwa kwa bwanana bwahae (1-12)

    • “Nabiza mwanaka kuzwa mwa Egepita” (1)

11  “Isilaele hanaasali mwanana, neni mulata,+ Mi nabiza mwanaka kuzwa mwa Egepita.+   Hane bazwelapili* kubabiza, Bona bazwelapili kuikela kwahule.+ Bazwelapili kuezeza maswaniso a Baale+ matabelo Ni kuezeza maswaniso a kupanga matabelo.+   Kono ki na yanaalutile Efraimi kuzamaya,+ kubalwala mwa mazoho aka;+ Mi nebasika lemuha kuli ki na yanaa bafolisize.   Nazwelapili kubahoha ka mihala ya batu,* ka mihala ya lilato;+ Mi ku bona, neniswana sina yazwisa coko fa milala yabona,* Mi natiseza yomuñwi ni yomuñwi lico ka sishemo.   Habana kukutela kwa naha ya Egepita, kono Asiria ukaba yena mulenaa bona,+ Kakuli bahanile kukutela ku na.+   Mi mukwale ukazukuzwa kulwanisa mileneñi yahae+ Ni kusinya lipakiso zahae ni kubamiza kabakala milelo yabona yemaswe.+   Sicaba saka sihanelezi kusasepahala ku na.+ Niha nebabizizwe kuli bakambame,* hakuna yanaayemi.   Wena Efraimi,+ nika kusiya cwañi? Wena Isilaele, nika kuyubeka cwañi? Nika kueza cwañi sina Adima? Nikona kukueza cwañi kuli ube sina Zeboimi?+ Nicincize pilu yaka; Mi hape makeke aka abile amatuna.*+   Buhali bwaka habuna kutuka. Hanisana kuyundisa Efraimi hape,+ Kakuli ni Mulimu mi hani mutu, Yena Yakenile mwahalaa mina; Mi hanina kutaha ku mina ka buhali. 10  Bakalatelela Jehova, mi ukabuluma sina tau;+ Hakabuluma, bana bahae bakataha inze banjanja kuzwa kwa wiko.+ 11  Habakazwa mwa Egepita, bakanjanja sina nyunywani, Bakazwa mwa naha ya Asiria sina liiba;+ Mi nika bainisa mwa mandu abona,” kubulela Jehova.+ 12  “Efraimi unibulelela feela litaba za buhata, Mi ba ndu ya Isilaele banibulelela litaba za bupumi.+ Kono Juda yena usazamaya ni Mulimu, Mi wasepahala ku Yakenile Hahulu.”+

Litaluso ze kwatasi

Fo kikuli, bapolofita ni batu babañwi bane balumilwe kuyo luta Isilaele.
Kamba “mihala ya sishemo,” sina yakona kuitusisa mushemi.
Linzwi ka linzwi, “sina yazwisa coko kwa mitahali yabona.”
Fo kikuli, kwa bulapeli bobupahami.
Linzwi ka linzwi, “acisize.”