Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Hagai 2:1-23

LITABA ZE MWAHALI

  • Tempele yabubeli ikatala kanya (1-9)

    • Macaba kaufela akanyungiwa (7)

    • Lika za butokwa za macaba likataha (7)

  • Kuyaha sinca tempele kutahisa limbuyoti (10-19)

    • Bukeni habukoni kushimbululwa (10-14)

  • Lushango lolutaha ku Zerubabele (20-23)

    • “Nikatahisa kuli ube sina lisale la kukantisa” (23)

2  Ka kweli yabu 7, fa lizazi labu 21 mwa kweli, linzwi la Jehova lataha ka mupolofita Hagai,+ lali:  “Hakubuze Zerubabele+ mwanaa Salatiele, mubusisi wa Juda,+ ni Joshua+ mwanaa Jehozadaki,+ muprisita yapahami, ni sicaba kaufela kuli:  ‘Ki mañi yasiyezi ku mina yanaaboni ndu* ye, ni kanya yayona yapili?+ Muibona cwañi ka nako yacwale? Kana hamuitalima, haibonahali kuli ifitiwa ki yapili?’+  “‘Kono cwale wena Zerubabele, utiye,’ kubulela Jehova, ‘mi utiye, wena Joshua mwanaa Jehozadaki, muprisita yapahami.’ “‘Mi mutiye mina batu kaufela baba mwa naha,’+ kubulela Jehova, ‘mi musebeze.’ “‘Kakuli niinzi ni mina,’+ kubulela Jehova wa limpi.  ‘Muhupule spiso yene nimifile hane muzwile mwa Egepita,+ mi moya waka usainzi ni mina.*+ Musike mwasaba.’”+  “Kakuli Jehova wa limpi sabulela ki se, uli: ‘Kono hape—kusiyezi feela nako yenyinyani—mi nikanyunga mahalimu ni lifasi ni liwate ni naha yeomile.’+  “‘Mi nikanyunga macaba kaufela, mi lika za butokwa* za macaba kaufela likataha;+ mi nikataza ndu ye ka kanya,’+ kubulela Jehova wa limpi.  “‘Silivera ki yaka, ni gauda ki yaka,’ kubulela Jehova wa limpi.  “‘Kanya ya kwapili ya ndu ye, ikaba yetuna kufita yapili,’+ kubulela Jehova wa limpi. “‘Mi nikatahisa kozo+ mwa sibaka se,’ kubulela Jehova wa limpi.” 10  Ka lizazi labu 24 mwa kweli yabu 9, ka silimo sabubeli sa puso ya Dariusi, linzwi la Jehova lataha ka mupolofita Hagai,+ lali: 11  “Jehova wa limpi sabulela ki se, uli: ‘Hakubuze baprisita ka za mulao+ kuli: 12  Haiba mutu alwala nama yekenile mwa pokoto ya siapalo sahae, mi siapalo sahae singunyuta kwa sinkwa kamba kwa nama kamba kwa waine kamba kwa oli kamba kwa sico sifi kamba sifi, kikuli lico zeo likaba zekenile?”’” Baprisita baalaba, bali: “Batili!” 13  Cwale Hagai abuza, ali: “Haiba mutu yasika kena ka kungunyuta situpu* aswala sifi kamba sifi sa lika zeo, kana hasina kuba sesimasila?”+ Baprisita baalaba, bali: “Sikaba sesimasila.” 14  Cwale Hagai ali: “‘Sicaba se, sicwalo, mi ki mona mosiinezi sicaba se fapilaa ka,’ kubulela Jehova, ‘mi ki mona moiinezi misebezi kaufela ya mazoho abona; nto kaufela yebafa imasila.’ 15  “‘Kono cwale, hamutatube* taba ye kuzwa cwale kuisa kwapili: Licwe lisika kambekiwa kale fa licwe leliñwi mwa tempele ya Jehova,+ 16  nekuli cwañi ka nako yeo? Mutu hanaataha kwa libunda la bubeke kuli ato fumana litikanyezo ze 20, naa­fumana feela litikanyezo ze 10; mi mutu hanaataha kwa sikotolo kuli ato nga litikanyezo ze 50 za waine mwa silubelo, naafumana feela litikanyezo ze 20;+ 17  neni kunatile—nanata misebezi kaufela ya mazoho ahao—ka lizazi lelibabula, ka muuta+ ni ka pula ya macwe, kono hakuna nihaiba alimuñwi ku mina yanaakutezi ku na,’ kubulela Jehova. 18  “‘Cwale hamutatube* taba ye kuzwa cwale kuisa kwapili, kuzwa lizazi labu 24 mwa kweli yabu 9, kuzwa lizazi leutomiwa mutomo wa tempele ya Jehova;+ hamutatube taba ye: 19  Kana kusanani peu mwa sibulukelo?*+ Kana kota ya veine, kota ya feiga, kota ya pomegaraneti, ni kota ya olive—halisika beya kale miselo? Kuzwa cwale nika milumela mbuyoti.’”+ 20  Linzwi la Jehova lataha lwabubeli ku Hagai fa lizazi labu 24 mwa kweli,+ lali: 21  “Ubulelele Zerubabele, mubusisi wa Juda, uli: ‘Nikanyunga mahalimu ni lifasi.+ 22  Nikawisa lubona lwa mibuso ni kufelisa maa­ta a mibuso ya macaba;+ mi nikawisa koloi ni bapahami bayona, mi lipizi ni bapahami bazona bakabulaiwa, yomuñwi ni yomuñwi abulaiwe ka mukwale wa mwanahabo yena.’”+ 23  “‘Ka lizazi leo,’ kubulela Jehova wa limpi, ‘Nikakuu­nga, wena mutangaaka Zerubabele+ mwanaa Salatiele,’+ kubulela Jehova, ‘mi nikatahisa kuli ube sina lisale la kukantisa, kakuli ki wena yenike­tile,’ ­kubulela Jehova wa limpi.”

Litaluso ze kwatasi

Kamba “tempele.”
Kamba mwendi, “ni moya waka hane uyemi mwahalaa mina.”
Kamba “zelakazeha.”
Kamba “ka moyo.” Mubone Litaluso za Manzwi.
Kamba “Hamunahanisise ka tokomelo.”
Kamba “Hamunahanisise ka tokomelo.”
Kamba “musima wa bubeke?”