Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Hagai 1:1-15

LITABA ZE MWAHALI

  • Kunyaziwa kabakala kusayaha tempele (1-11)

    • ‘Kana ye ki nako ya kuina mwa mandu akabisizwe ka mabala amande?’ (4)

    • “Mutatube linzila zamina” (5)

    • Kucala hahulu kono kukutula hanyinyani (6)

  • Batu bautwa linzwi la Jehova (12-15)

1  Ka silimo sabubeli sa puso ya Mulena Dariusi, ka kweli yabu 6, fa lizazi lapili mwa kweli, linzwi la Jehova lataha ka mupolofita Hagai*+ ku Zerubabele+ mwanaa Salatiele, mubusisi wa Juda, ni ku Joshua mwanaa Jehozadaki, muprisita yapahami, lali:  “Jehova wa limpi sabulela ki se, uli: ‘Batu ba, bali: “Nako ya kuyaha* ndu* ya Jehova haisika fita kale.”’”+  Mi linzwi la Jehova lataha hape ka mupolofita Hagai,+ lali:  “Kana ye ki nako ya kuli muine mwa mandu amina akabisizwe ka mabala amande, hailifo ndu ye isinyehile?+  Cwale Jehova wa limpi sabulela ki se, uli: ‘Mutatube* linzila zamina.  Mucezi peu yeñata, kono mukutula zenyinyani.+ Mwaca, kono hamukuli. Mwanwa, kono linyolwa lamina halifeli. Muapala liapalo, kono hamufutumalelwi. Yakenyizwe musebezi ubeya tuwelo yahae mwa mukotana onani masuba.’”  “Jehova wa limpi sabulela ki se, uli: ‘Mutatube* linzila zamina.’  “‘Mukambame fa lilundu muyo tisa likota.+ Mi muyahe ndu,+ kuli nitabiswe ki yona mi nikanyiswe,’+ kubulela Jehova.”  “‘Nemulibelela zeñata kono muamuhela zenyinyani; mi hane mulitisize mwa ndu, nalifutela kwahule.+ Ki kabakalañi haniezize cwalo?’ kubulela Jehova wa limpi. ‘Kakuli ndu yaka isinyehile, hailifo yomuñwi ni yomuñwi wamina upatehile kulukisa ndu yahae.+ 10  Kabakaleo, mahalimu kwahalimu naasika nelisa puka yaona, mi lifasi nelisika tahisa lico zebeiwa ki lona. 11  Mi nabiza linanga kuli litahe mwa lifasi, fa malundu, kwa bubeke, kwa waine yenca, kwa oli, kwa limela za fafasi, kwa batu ni kwa limunanu, ni kwa misebezi kaufela ya mazoho amina.’” 12  Zerubabele+ mwanaa Salatiele+ ni Joshua mwanaa Jehozadaki,+ muprisita yapahami, ni batu kaufela bateeleza kwa linzwi la Jehova Mulimu wabona ni kwa manzwi a mupolofita Hagai, kakuli naalumilwe ki Jehova Mulimu wabona; mi batu basaba kabakala Jehova. 13  Cwale Hagai numwana wa Jehova ataluseza sicaba taba ye, ka kuya ka musebezi wa naafilwe ki Jehova, ali: “‘Mina batu, niinzi ni mina,’+ kubulela Jehova.” 14  Cwale Jehova afa maata+ Zerubabele mwanaa Salatiele, mubusisi wa Juda,+ ni Joshua+ mwanaa Jehozadaki, muprisita yapahami, ni sicaba kaufela; mi bataha, bakalisa kulukisa ndu ya Jehova wa limpi, Mulimu wabona.+  15  Taba yeo neiezahezi fa lizazi labu 24 mwa kweli yabu 6 ka silimo sabubeli sa puso ya Mulena Dariusi.+

Litaluso ze kwatasi

Lelitalusa “Yapepilwe ka nako ya Mukiti.”
Kamba “kuyaha sinca.”
Kamba “tempele.”
Kamba “Munahanisise ka tokomelo.”
Kamba “Munahanisise ka tokomelo.”