Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Habakuki 3:1-19

LITABA ZE MWAHALI

  • Mupolofita ulapela kuli Jehova aange muhato (1-19)

    • Mulimu ukapilisa batu bahae babatozizwe (13)

    • Kunyakalala ku Jehova kusina taba ni ziyezi (17, 18)

3  Ki ye tapelo yanaalapezi mupolofita Habakuki, ka lipina za malilo:   Wena Jehova, niutwile ka zahao. Wena Jehova, misebezi yahao yanikomokisa. Ueze misebezi yahao mwahalaa lilimo!* Uibonahalise mwahalaa lilimo.* Uhupule kubonisa sishemo ka nako ya mifilifili.+   Mulimu naatile kuzwa kwa Temani, Yakenile naazwile kwa Lilundu la Parani.+ (Selah)* Kanya yahae neikwahezi mahalimu;+ Lifasi nelitezi milumbeko yafiwa.   Kubenya kwahae nekuswana sina liseli.+ Mataaseli amabeli naabenya mwa lizoho lahae, Mone kuipatile maata ahae.   Butuku bobuyambukela+ nebuli fapilaa hae, Mi fibele yemaswe neimulatelela kwa mahutu ahae.   Ayema ni kunyunga lifasi.+ Hatalima, atahisa kuli macaba atulake.+ Malundu a kamita atubakiwa, Mi malundunyana a kwaikale apatama.+ Linzila za kwaikale ki zahae.   Neniboni butata mwa litende za Kushi. Masila a litende a kwa naha ya Midiani naapekauka.+   Wena Jehova, kana ulwanisa linuka, Kana buhali bwahao butukela linuka? Kamba kana mabifi ahao atahela liwate?+ Kakuli neupahami lipizi zahao;+ Likoloi zahao nelituzi.*+   Buta bwahao habusika kwahelwa mi sebuitukiselize. Litupa lialuzwi* ka kukonka.* (Selah) Uaba lifasi ka linuka. 10  Malundu naangangama ni kuutwa butuku fapilaa hao.+ Mezi amañata abuba. Buliba bwabuluma ka linzwi labona.+ Bwayemiseza mazoho abona mwahalimu. 11  Lizazi ni kweli zayema mwa libaka zazona zelumbile.+ Masho ahao naazwile sina liseli.+ Lumonyi lwa lilumo lahao nelubenya. 12  Neucauzi mwa lifasi ka mabifi. Wahatikela* macaba ka buhali. 13  Neuzwile kuyo pilisa sicaba sahao, kuli uyo pilisa yatozizwe wahao. Neutubile mueteleli* wa ndu ya babamaswe. Mitomo yayona neitubilwe kuzwa kwatasi kuyo fita kwahalimu.* (Selah) 14  Neupunyize toho ya lindwalume zahae ka lilwaniso zahae* Hane batile ka lubilo kuli bato nihasanya. Nebatabile hahulu kumizeza mubotana kwa mukunda. 15  Neuzamaile mwa liwate inze upahami lipizi zahao, Mwahalaa mezi amañata hahulu. 16  Neniutwile mi nangangama mwahali;* Haniutwa mulumo wo, milomo yaka yamwemweta. Masapo aka abola;+ Mahutu aka anjanja. Kono nilibelela lizazi la ziyezi inze nikuzize,+ Kakuli litela batu baba lulwanisa. 17  Kota ya feiga niha isike yatubula lipalisa, Mi niha kusike kwaba ni miselo kwa kota ya veine; Kota ya olive niha isike yabeya miselo, Mi masimu* nihasike atahisa lico; Lingu niha likafela mwa mulaka, Mi niha kusike kwaba ni likomu mwa milaka; 18  Kono haili na, nikanyakalala kabakala Jehova; Nikatabela Mulimu yanipilisa.+ 19  Jehova Mulena Yapahami ka Kufitisisa, ki yena maata aka;+ Ukatahisa kuli mahutu aka aswane sina a lizwii Ni kutahisa kuli nihatikele libaka zelumbile.+

Litaluso ze kwatasi

Kamba mwendi, “mwa nako yaluna.”
Kamba mwendi, “mwa nako yaluna.”
Kamba “nelipilisize.”
Kamba mwendi, “masho aaluzwi.”
Kamba mwendi, “Buitamo bwa masika butiisizwe.”
Linzwi ka linzwi, “Wapula.”
Linzwi ka linzwi, “toho.”
Linzwi ka linzwi, “kwa mulala.”
Linzwi ka linzwi, “litupa zahae.”
Linzwi ka linzwi, “mi mba yaka yangangama.”
Kamba “linjetumuko.”