Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Habakuki 1:1-17

LITABA ZE MWAHALI

  • Mupolofita ulila kukupa tuso (1-4)

    • “Wena Jehova, nikaanga nako yekuma kai?” (2)

    • “Kiñi hautuhelela kuli batu banyandiswe?” (3)

  • Makaladeya, ki bona bakaitusisa Mulimu kutahisa katulo (5-11)

  • Mupolofita ukupa Jehova (12-17)

    • ‘Mulimu waka, haushwi’ (12)

    • ‘Ukenile hahulu mi hautokwi kutalima zemaswe’ (13)

1  Ki ze litaba zanaaamuhezi mupolofita Habakuki* mwa pono:   Wena Jehova, nikaa­nga nako yekuma kai inze ni lila kukupa tuso ku wena, kono inge usa niutwi?+ Nikaa­nga nako yekuma kai inze nikupa kuli unilamulele kwa mifilifili, kono inge usa nilamu­leli?*+   Kiñi hautuhelela kuli nibone bumaswe? Mi kiñi hautuhelela kuli batu banyandiswe? Kiñi sinyeho ni mifilifili halili fapilaa ka? Mi kiñi likomano ni lindwa haliatile?   Kabakaleo, mulao hausana maa­ta,Mi hakuna katulo yelukile. Kakuli babamaswe bapotolohile babalukile;Ki lona libaka katulo yelukile haikopamiswa.+   “Hamutalime mwahalaa macaba mi muteeleze! Hamutalime inze muikomokezi;Kakuli kunani nto yekaezahala mwa mazazi aminaYemusike mwalumela niha mukaibulelelwa.+   Kakuli nibiza Makala­deya,+Ili sicaba sesibuhali ni sesibubebe. Bafita mwa libaka zeñata za lifasiInze bahapa mandu esi abona.+   Basabisa mi batu babasaba. Baitomela mulao wabona mi baipusa.*+   Lipizi zabona libubebe kufita lingwe,Mi lisabisa hahulu kufita maakanyani ka nako ya busihu.+ Lipizi zabona za ndwa limata ka bubebe kuliba kwapili;Lipizi zabona lizwa kwa libaka za kwahule. Lishetumuka sina mbande yefuumukela kwa kuyo ca.+   Kaufelaa bona bataha inze balela kutahisa mifilifili.+Mi lipata zabona litaha sina moya wa kwa upa,+ Mi bañwata bahapiwa sina mushabati. 10  Basheununa malenaMi baseha manduna.+ Baseha libaka kaufela zesilelelizwe;+ Baubela mulunda ni kuuhapa. 11  Cwale kihona bazamaya kuliba kwapili sina moya mi bapazula naha,Kono bakaba ni mulatu,+Kakuli baikutwa kuli maa­ta abona azwa ku mulimu wabona.”*+ 12  Wena Jehova, kana hausika bateñi kamita?+ Wena Mulimu waka, Yakenile waka, haushwi.*+ Wena Jehova, ubaketile kuli baatule;Wena Licwe+ laka, ubaketile kuli ubafe koto.*+ 13  Meeto ahao akenile hahulu mi hatokwi kutalima zemaswe,Mi haukoni kutuhelela bumaswe.+ Cwale kiñi hautuhelela babasa sepahali+Ni kukuza, mutu yamaswe hamiza yamufita kwa kuluka?+ 14  Kiñi haueza mutu kuli abe sina litapi za mwa liwate,Sina lika zehohoba zesina mubusi? 15  Uyabula* lika zeo kaufela ka kashuto. Uliswala mwa lituwa lahae,Mi ulikubukanya mwa kanyandi kahae. Ki lona libaka hataba hahulu.+ 16  Ki lona libaka hafa lituwa lahae matabeloNi kuezeza kanyandi kahae matabelo;*Kakuli ki kabakala zona kabelo yahae haifumile,*Ni lico zahae halili zende. 17  Kana cwale ukazwelapili kuyambula lituwa lahae?* Kana ukazwelapili kubulaya macaba asabonisi mukekecima?+

Litaluso ze kwatasi

Mwendi ili kutalusa Kukumbatwa ka lilato.”
Kamba “usa nipilisi.”
Kamba “bakutekeha.”
Kamba mwendi, “maa­ta abona ki mulimu wabona.”
Kamba mwendi, “haluna kushwa.”
Kamba “kuli ubakalimele.”
Fo kikuli, Mukaladeya yali sila.
Kamba “kutushaniseza kanyandi kahae musi wa matabelo.”
Linzwi ka linzwi, “haitezi mafula.”
Kamba mwendi, “kuzwelapili kuzungisa mukwale wahae?”