Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Genese 5:1-32

LITABA ZE MWAHALI

  • Kuzwa ku Adama kuisa ku Nuwe (1-32)

    • Adama naapepile bana babashimani ni babasizana (4)

    • Enoke naazamaile ni Mulimu (21-24)

5  Ki ye buka ya litaba za Adama. Mwa lizazi leo Mulimu naabupile Adama, amueza ka kuswana ni Mulimu.+  Ababupa bali muuna ni musali.+ Mwa lizazi lanaa babupile,+ abafuyola mi ababiza Batu.*  Adama apila lilimo ze 130 mi kihona apepa mwana wamushimani yamuswanile, ka siswaniso sahae, mi amubeya libizo la Seta.+  Hamulaho wa kupepa Seta, Adama apila lilimo ze 800. Mi apepa bana babashimani ni babasizana.  Cwale mazazi kaufela anaapilile Adama naaeza lilimo ze 930, mi kihona ashwa.+  Seta apila lilimo ze 105 mi kihona apepa Enoshi.+  Hamulaho wa kupepa Enoshi, Seta apila lilimo ze 807. Mi apepa bana babashimani ni babasizana.  Cwale mazazi kaufela anaapilile Seta naaeza lilimo ze 912, mi kihona ashwa.  Enoshi apila lilimo ze 90 mi kihona apepa Kenani. 10  Hamulaho wa kupepa Kenani, Enoshi apila lilimo ze 815. Mi apepa bana babashimani ni babasizana. 11  Cwale mazazi kaufela anaapilile Enoshi naaeza lilimo ze 905, mi kihona ashwa. 12  Kenani apila lilimo ze 70 mi kihona apepa Mahalalele.+ 13  Hamulaho wa kupepa Mahalalele, Kenani apila lilimo ze 840. Mi apepa bana babashimani ni babasizana. 14  Cwale mazazi kaufela anaapilile Kenani naaeza lilimo ze 910, mi kihona ashwa. 15  Mahalalele apila lilimo ze 65 mi kihona apepa Jaredi.+ 16  Hamulaho wa kupepa Jaredi, Mahalalele apila lilimo ze 830. Mi apepa bana babashimani ni babasizana. 17  Cwale mazazi kaufela anaapilile Mahalalele naaeza lilimo ze 895, mi kihona ashwa. 18  Jaredi apila lilimo ze 162 mi kihona apepa Enoke.+ 19  Hamulaho wa kupepa Enoke, Jaredi apila lilimo ze 800. Mi apepa bana babashimani ni babasizana. 20  Cwale mazazi kaufela anaapilile Jaredi naaeza lilimo ze 962, mi kihona ashwa. 21  Enoke apila lilimo ze 65 mi kihona apepa Metusela.+ 22  Hamulaho wa kupepa Metusela, Enoke azwelapili kuzamaya ni Mulimu wa niti* ka lilimo ze 300. Mi apepa bana babashimani ni babasizana. 23  Cwale mazazi kaufela anaapilile Enoke naaeza lilimo ze 365. 24  Enoke azwelapili kuzamaya ni Mulimu wa niti.+ Mi aba siyo, kakuli Mulimu naamuungile.+ 25  Metusela apila lilimo ze 187 mi kihona apepa Lameke.+ 26  Hamulaho wa kupepa Lameke, Metusela apila lilimo ze 782. Mi apepa bana babashimani ni babasizana. 27  Cwale mazazi kaufela anaapilile Metusela naaeza lilimo ze 969, mi kihona ashwa. 28  Lameke apila lilimo ze 182 mi kihona apepa mwana wamushimani. 29  Amubeya libizo la Nuwe,*+ ali: “Yo uka luomba-omba* kwa musebezi waluna ni kwa butuku boluutwa mwa mazoho aluna kabakala mubu wakutile Jehova.”+ 30  Hamulaho wa kupepa Nuwe, Lameke apila lilimo ze 595. Mi apepa bana babashimani ni babasizana. 31  Cwale mazazi kaufela anaapilile Lameke naaeza lilimo ze 777, mi kihona ashwa. 32  Nuwe hasaakwanisize lilimo ze 500, apepa Sema,+ Kama,+ ni Jafeta.+

Litaluso ze kwatasi

Kamba “Adama.”
Linzwi ka linzwi, “ni Mulimu.” Mubone Litaluso za Manzwi.
Mwendi lelitalusa “Pumulo; Kuomba-omba.”
Kamba “uka luimulula.”