Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Ezekiele 2:1-10

LITABA ZE MWAHALI

  • Ezekiele ufiwa musebezi wa kuba mupolofita (1-10)

    •  ‘Ibe kuli bautwa kamba habautwi’ (5)

    • Kuboniswa muputo wa lipina za malilo (9, 10)

2  Cwale ali ku na: “Mwanaa mutu,* yema ka mahutu ahao kuli nibulele ni wena.”+  Hasabulezi ni na, moya wakena ku na mi waniyemisa ka mahutu aka+ kuli niutwe yabulela ni na.   Azwelapili kubulela ni na, ali: “Mwanaa mutu, nikuluma kwa batu ba Isilaele,+ kwa macaba a bakwenuheli aanikwenuhezi.+ Bona ni bo kuku wabona banifoselize kutofita ni la kacenu le.+  Nikuluma kwa bana babasa utwi,* ba lipilu zetaata,+ mi uyo li ku bona: ‘Ki se sabulela Jehova Mulena Yapahami ka Kufitisisa.’  Haili bona, ibe kuli bakautwa kamba bakahana kuutwa—kakuli ki lusika lwa bakwenuheli+—bakaziba luli kuli nekubanga ni mupolofita mwahalaa bona.+  “Kono wena mwanaa mutu, usike wabasaba,+ mi usike wasaba manzwi abona, niha upotolohilwe ki mikona ni miutwa*+ ni kupila mwahalaa tubanze. Usike wasaba manzwi abona,+ mi usike wambemukiswa ki lipata zabona,+ kakuli ki lusika lwa bakwenuheli.  Ubabulelele manzwi aka, ibe kuli bakautwa kamba kutokwa, kakuli ki sicaba sa bakwenuheli.+   “Kono wena mwanaa mutu, uutwe seni kubulelela. Usike waba mukwenuheli sina lusika lo lwa bakwenuheli. Atama mi uce seni kufa.”+  Hanitalima, nabona lizoho leliotolohela ku na,+ mi nabona mwa lizoho leo muputo* oñozwi.+ 10  Hauputulula fapilaa ka, neuñozwi mwahali ni fande.+ Mwa muputo wo, nekuñozwi lipina za malilo ni litaba za maswabi ni za kubokolola.+

Litaluso ze kwatasi

“Mwanaa mutu”; pulelo ye ifumaneha ha 93 mwa buka ya Ezekiele, mi lo ki lona lwapili.
Kamba “babaomelezi lipata.”
Kamba mwendi, “niha upotolohilwe ki batu ba lipilu zetaata ni babaswana sina lika zekutaba.”
Kamba “muputo wa buka.”