Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Deuteronoma 19:1-21

LITABA ZE MWAHALI

  • Za mulatu wa mali ni mileneñi ya masabelo (1-13)

  • Lisupo za milulwani lisike zasutiswa (14)

  • Lipaki mwa kuta (15-21)

    • Kutokwahala bupaki bwa batu bababeli kamba babalaalu (15)

19  “Jehova Mulimu wahao hasaasinyize macaba ayahile mwa naha yakufa Jehova Mulimu wahao mi hase ualunduzi ni kupila mwa mileneñi yaona ni mwa mandu aona,+  uswanela kuketa mileneñi yemilaalu, mwa naha yahenu yakufa Jehova Mulimu wahao kuli uiluwe.+  Ualule naha yakufile Jehova Mulimu wahao, kuieza likalulo zetaalu, mi ulukise mikwakwa ilikuli mubulai ufi kamba ufi akone kusabela ku omuñwi wa mileneñi yeo.  “Se ki sona sesiswanela kueziwa mwa taba ya mubulai yasabela kwateñi kuli apilise bupilo bwahae: Haiba ubulaile mutu ka kusalela mi naasika mutoya sapili;+  inge cwalo haaya mwa mushitu ni mutu yomuñwi kuyo lwalela likota, mi hananulela capu mwahalimu kuli aleme kota, capu yakuleha mwa mufinyani ni kukañala mutu yo mi ashwa, fohe, mubulai uswanela kusabela ku omuñwi wa mileneñi yeo kuli apile.+  Hakusicwalo, mulifisi wa mali+ ukamatisa mubulai yo, kabakala buhali bwahae bobutuka,* amufumane, ni kumubulaya, kakuli muleneñi wo, u kwahule hahulu. Kono imi naasaswaneli kubulaiwa, kakuli naasika toya mutu yo sapili.+  Ki lona libaka hani kulaela kuli: ‘Keta mileneñi yemilaalu.’  “Haiba Jehova Mulimu wahao aekeza kwa naha yahao sina mwanaakonkezi ku bo kuku wahao+ mi saakufile naha kaufela yanaasepisize kufa bo kuku wahao+  —ibile feela umamela ka busepahali milao ye kaufela yeni kufa kacenu, kuli ulate Jehova Mulimu wahao ni kuzamaya mwa linzila zahae kamita+—fohe, kwa mileneñi yeo yemilaalu, uekeze kwateñi mileneñi yemiñwi yemilaalu.+ 10  Ka mukwa wo, hakuna mali a yasina mulatu akasululwa+ mwa naha yahao yakufa Jehova Mulimu wahao sina saanda, mi hauna kuba ni mulatu wa mali.+ 11  “Kono haiba yomuñwi naatoile mutu,+ mi naalibelezi feela kolo ya kumulwanisa, mi amuholofaza, mane ashwa, mi mubulai yo asabela ku omuñwi wa mileneñi yeo, 12  baana-bahulu ba muleneñi wahabo yena baswanela kumubiza ko kwasabezi, bamufe mwa mazoho a mulifisi wa mali, mi uswanela kubulaiwa.+ 13  Usike* wamushwela makeke, mi uzwise mwa Isilaele mulatu wa kusulula mali a yasika fosa,+ kuli zahao likuzamaele hande. 14  “Hase ufilwe saanda sahao mwa naha yakufa Jehova Mulimu wahao, usike wasutisa sisupo sa mululwani wa mwanahenu,+ kusishimbulula fone bapumezi milulwani baikale. 15  “Mutu hakoni kufiwa mulatu kabakala bupaki bwa mutu alimuñwi bobubonisa kuli mutu yo ufosize kamba uezize sibi.+ Kutokwahala bupaki* bwa batu bababeli kamba bupaki bwa batu babalaalu kuli taba itiiswe.+ 16  Paki yabata feela kuutwisa mutu butuku haiba afa bupaki bwa kuli mutu yo ufosize nto yeñwi,+ 17  batu bababeli bao babazeka, bakayema fapilaa Jehova, fapilaa baprisita ni baatuli babaka ba teñi mwa mazazi ao.+ 18  Baatuli baswanela kubatisisa taba yeo ka kutala,+ mi haiba kufumaneha kuli mutu yo ki paki wa buhata mi utamelelize mwanahabo yena taba ya buhata, 19  muswanela kumueza mwanaabata kuezeza mwanahabo yena,+ mi muswanela kuzwisa bumaswe mwahalaa mina.+ 20  Babasiyezi bakautwa zateñi mi bakasaba, mi habasa tola baeza nto yemaswe cwalo hape mwa sicaba sahenu.+ 21  Usike* wamushwela makeke:+ Bupilo* bukalifiwa ka bupilo,* liito ka liito, liino ka liino, lizoho ka lizoho, lihutu ka lihutu.+

Litaluso ze kwatasi

Linzwi ka linzwi, “kabakala kuli pilu yahae yacisa.”
Linzwi ka linzwi, “Liito lahao lisike.”
Linzwi ka linzwi, “mulomo.”
Linzwi ka linzwi, “Liito lahao lisike.”
Kamba “Moyo.”
Kamba “moyo.”