Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Amosi 9:1-15

LITABA ZE MWAHALI

  • Likatulo za Mulimu halipicukiwi (1-10)

  • Munganda wa Davida ukayemiswa (11-15)

9  Nabona Jehova+ ainzi fahalimwaa aletare, mi ali: “Nata toho ya musumo, mi minyako ikashekesha. Uipumele kwa toho, mi nikabulaya ni wa mafelelezo ku bona ka mukwale. Hakuna yakabanda ku bababaleha, mi hakuna yakalika kubaleha yaka­pila.+   Haiba bayepa kuyo fita mwa Libita,*Lizoho laka lika bazwisa mwateñi;Mi haiba bakambamela kwa mahalimu,Nika bakulumuna kwateñi.   Mi haiba baipata fa ngo ya lilundu la Karmele,Nikayo babata fateñi ni kubaa­nga.+ Haiba baipata kuli nisike nababona ka meeto aka, ka kuya kwatasaa liwate,Nikalaela noha kuli iyo balumela kwateñi.   Haiba baiswa mwa buhapiwa ki lila zabona,Nikalaela mukwale, mi ukayo babulaela kwa­teñi;+Nika batalima kuli nibatahiseze kozi, isiñi bunde.+   Kakuli Jehova wa limpi, yena Mulena Yapahami ka Kufitisisa, ki yena yaswala naha,*Kuli ishengunuke,+ mi babayahile mwateñi kaufela bakalila;+Mi naha kaufela ikatala sina Nuka ya Nile,Mi ikakala sina Nuka ya Nile ya mwa Egepita.+   ‘Yena yaezize mapahamelo ahae mwa mahalimuNi kutoma muyaho* wahae fa lifasi;Yena yabiza mezi a mwa liwate,Kuasululela fafasi mwa lifasi+—Jehova ki lona libizo lahae.’+   ‘Mina sicaba sa Isilaele, kana hamuswani sina bana ba Kushi ku na?’ kubulela Jehova. ‘Kana nenisika zwisa Isilaele mwa naha ya Egepita,+Ni kuzwisa Mafilisita mwa Kreta,+ ni Masiria mwa Kiri?’+   ‘Hamubone! Meeto a Jehova Mulena Yapahami ka Kufitisisa, atalima mubuso wa baezalibi,Mi ukauyundisa ni kuuzwisa mwa lifasi.+ Kono hanina kuyundiseleza ba ndu ya Jakobo,’+ kubulela Jehova.   ‘Kakuli hamubone! Nifa taelo,Mi nikanyunga ba ndu ya Isilaele mwahalaa macaba kaufela,+Sina mutu mwanyungela sefa,Kusina lubeke loluwela fafasi. 10  Baezalibi kaufela mwahalaa sicaba saka, bakabulaiwa ka mukwale,Bona babali: “Kozi haina kulusutelela kamba kulufumana.”’ 11  ‘Ka lizazi leo, nikazusa munganda* wa Davida+ owile,Nikatiba masuba,*Mi nikalukisa fousinyehile;Nika uyaha sinca sina mwa mazazi a kwaikale,+ 12  Kuli baluwe zesiyezi mwa Edomo,+Ni mwa macaba kaufela abizizwe ka libizo laka,’ kubulela Jehova, yena yaeza cwalo. 13  ‘Hamubone! Mazazi ataha,’ kubulela Jehova,‘Yalima ka sikekele hakafitelela yakutula,Ni yahatikela miselo ya veine hakafitelela yashimbile peu;+Mi malundu akalotisa waine yemunati,+Mi malundunyana kaufela akabubisa waine yeo.*+ 14  Nikakubukanya hape bahapiwa ba sicaba saka sa Isilaele,+Mi bakayaha sinca mileneñi yeneli matota ni kuyaha mwateñi;+Bakacala masimu a likota za veine ni kunwa waine yazona,+Mi bakalima masimu ni kuca miselo yebeiwa mwateñi.’+ 15  ‘Nika bacala mwa naha yabona,Mi habasana kukumulwa hapeMwa naha yabona yeni bafile,’+ kubulela Jehova Mulimu wamina.”

Litaluso ze kwatasi

Kamba “Sheoli,” fo kikuli, sibaka sa swanisezo sa babashwile. Mubone Litaluso za Manzwi.
Kamba “lifasi.”
Kamba “situwa.”
Kamba “tende; sibuma.”
Kamba “masuba abona.”
Linzwi ka linzwi, “tukashengu­nuka.”