Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Amosi 8:1-14

LITABA ZE MWAHALI

  • Pono ya sizuma sa miselo ya mwa litabula (1-3)

  • Babahatelela batu banyaziwa (4-14)

    • Tala ya kwa moya (11)

8  Ki se sanaa nibonisize Jehova Mulena Yapahami ka Kufitisisa: Hamubone! Nekunani sizuma sa miselo ya mwa litabula.  Kihaa li: “Amosi, kiñi seubona?” Naalaba, nali: “Nibona sizuma sa miselo ya mwa litabula.” Cwale Jehova ali ku na: “Mafelelezo a sicaba saka sa Isilaele atile. Hanisana kubaswalela.+  ‘Ka lizazi leo, lipina za kwa tempele likafetuha sililo,’+ kubulela Jehova Mulena Yapahami ka Kufitisisa. ‘Litupu zeñata likalapama kai ni kai+—mi kukakuza tuu!’   Hamuutwe taba ye, mina babahatikela babotanaNi babafeza babaishuwa mwa naha,+   Bona babali: ‘Mukiti wa kutasa kwa kweli ukafela lili,+ ilikuli lukone kulekisa bubeke bwaluna,Ni Sabata+ ikafela lili, kuli lulekise bubeke bwaluna? Kuli lufukuze tikanyezo ya efa*Ni kuekeza buima bwa shekele,*Kuli lupume ka likala zaluna za bupumi;+   Kuli luleke babashebile ka siliveraMi babotana lubaleke ka makatulo,+Ni kulekisa muuku wa bubeke.’   Jehova ukonkile ka Kanya ya Jakobo,+ uize:‘Hanina kulibala likezo zabona kaufela.+   Kabakaleo, naha ikangangama,*Mi babayahile mwateñi kaufela bakalila.+ Kana naha kaufela haina kubayula sina Nuka ya Nile,Kana haina kutala ni kukala sina Nuka ya Nile ya mwa Egepita?’+   ‘Ka lizazi leo,’ kubulela Jehova Mulena Yapahami ka Kufitisisa,‘Nikalikelisa lizazi fahalaa musihali,Mi nikatahisa lififi mwa naha fa lizazi lelibenya.+ 10  Nikafetula mikiti yamina kuieza nako ya maswabi+Ni kufetula lipina zamina kaufela kulieza lipina za malilo. Nikatama masila a saka mwa liteka kaufela ni kufetula litoho kaufela kuba litenda;Nikatahisa kuli lizazi leo libe sina lizazi la mushemi yalila mwanaa hae yanaapepilwe anosi,Mi mafelelezo a lizazi leo akaba amaswe.’ 11  ‘Hamubone! Mazazi ataha,’ kubulela Jehova Mulena Yapahami ka Kufitisisa,‘Hanika lumela tala mwa naha,Isiñi tala ya sinkwa kamba linyolwa la mezi,Kono tala ni linyolwa la kuutwa manzwi a Je­hova.+ 12  Bakatantalika kuzwa kwa liwate leliñwi kuya ku leliñwiNi kuzwa kwa mutulo kuya kwa upa.* Bakaya kafa ni kafa inze babata linzwi la Jehova, kono habana kulifumana. 13  Ka lizazi leo, balyanjo bababuheha bakawelela,Ni mitangana bakawelela, kabakala linyolwa; 14  Babakonka ka mulatu wa Samaria+ ni babali:“Wena Dani,+ ka mulimu wahao yapila!” Ni babali: “Wena Beere-sheba,+ ka nzila yahao yepila!” Bakawa, mi habasana kuzuha hape.’”+

Litaluso ze kwatasi

Kamba “lifasi likangangama.”
Kamba “kwa mapazulelo a lizazi.”