Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Amosi 6:1-14

LITABA ZE MWAHALI

  • Bumai ki bwa bababuliti! (1-14)

    • Mimbeta yeezizwe ka manaka a litou; mikeke ya waine (4, 6)

6  “Bumai ki bwa babaisepa* mwa Sione, Babaikutwa kuli bapila mwa buiketo fa lilundu la Samaria,+ Bona baana babakutekeha ba sicaba sesikwapilaa macaba amañwi, Bona kobataha ba ndu ya Isilaele!   Musilele kwa Kaline mi mubone. Hamuzwe kwateñi, muye kwa Hamati Yomutuna,+ Mi mushetumukele kwa Gati wa Mafilisita. Kana mileneñi yeo ki yeminde kufita mibuso ye,* Kamba kana naha yabona ki yetuna kufita yamina?   Kana muitibaza lizazi la ziyezi+ Ni kutisa puso* ya mifilifili?+   Balobala fa mimbeta yeezizwe ka manaka a litou+ ni kunama mwa lipula zende,+ Baca nama ya lingu zabaana za mwa mutapi ni manamani anunile;*+   Baopela lipina zezamaelela ni mulumo wa harepa,*+ Mi sina Davida, baipangela zelizwa;+   Banwela waine mwa mukeke wa kwiti+ Mi baitoza ka oli yende hahulu. Kono habaisi pilu kwa* kozi ya Josefa.+   Kabakaleo, bakaba bona bapili kuya mwa buhapiwa,+ Mi mikiti ya lilata ya batu babanama ikafela.   ‘Jehova Mulena Yapahami ka Kufitisisa, ukonkile ka yena muñi,’+ kubulela Jehova Mulimu wa limpi, ‘“Ninyenya buikuhumuso bwa Jakobo,+ Nitoile litawala zahae zesilelelizwe,+ Mi nikafa muleneñi ni zetezi mwateñi kwa lila.+  “‘“Mi haiba baana baalishumi basiyala mwa ndu iliñwi, bakashwa ni bona. 10  Mwanahabo bona* ukato baanga ni kubacisa, alimuñwi ka alimuñwi. Ukazwisa masapo abona mwa ndu; cwale kihona akabulelela mutu kaufela ya mwa mizuzu ya mwahali, ali: ‘Kana kunani babasa inzi ni wena mo?’ Mi ukali: ‘Hakuna!’ Cwale yena ukali: ‘Kuza! Kakuli ye haki nako ya kubulela libizo la Jehova.’” 11  Kakuli ki Jehova yafa taelo,+ Mi ukatuba ndu yetuna, ibe manyalala, Ni kutuba ndu yenyinyani, ibe buemba-emba.+ 12  Kana lipizi limatanga fa macwe, Kamba kana mutu wakona kukekela fateñi ka likomu? Kakuli mufetuzi katulo yelukile kuieza simela sa sifanu, Mi muselo wa kuluka muufetuzi simela sesibaba.*+ 13  Mutabela zesina tuso, Mi muli: “Kana halusika tiya* ka maata aluna?”+ 14  Kabakaleo, mina ba ndu ya Isilaele, nikatisa sicaba sesika milwanisa,’+ kubulela Jehova Mulimu wa limpi, ‘Mi baka minyandisa kuzwa kwa Lebo-hamati*+ kuisa kwa Mulapo* wa Araba.’”

Litaluso ze kwatasi

Kamba “babasa bilaeli sesiñwi.”
Kubonahala kuli kutaluswa mibuso ya Juda ni Isilaele.
Linzwi ka linzwi, “sipula.”
Kamba “lipohwana.”
Kamba “siliziso sa mihala.”
Linzwi ka linzwi, “nebasika kula kabakala.”
Linzwi ka linzwi, “Wahabo bo ndatahe.”
Kamba “kubaba.”
Linzwi ka linzwi, “halusika ikungela manaka.”
Kamba “kwa munyako wa Hamati.”