Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Amosi 4:1-13

LITABA ZE MWAHALI

  • Lushango ka za kulwanisa likomu za kwa Bashani (1-3)

  • Jehova usheununa bulapeli bwa buhata bwa Isilaele (4, 5)

  • Isilaele uhana kuelezwa (6-13)

    • “Uitukiseze kukopana ni Mulimu wahao” (12)

    • ‘Mulimu ubulelela mutu mihupulo yahae’ (13)

4  “Hamuutwe linzwi le, mina likomu za kwa Bashani, Zeinzi fa malundu a Samaria,+ Mina basali bababukula babashebile+ ni kuhatelela babotana, Bababulelela baana babona* kuli: ‘Hamulutiseze lino lunwe!’   Jehova Mulena Yapahami ka Kufitisisa, ukonkile ka bukeni bwahae, uize: ‘“Hamubone! Mazazi ataha haaka minanula ka tushuto twa nama Mi mina babasiyezi uka minanula ka tushuto twa litapi.   Mukazwela fande mwa masuba a mwa limota, mañi ni mañi ukazamaya kuliba feela kwapili; Mi mukanepelwa kwa Harimoni,” kubulela Jehova.’   ‘Mutahe kwa Betele muto fosa,*+ Mutahe kwa Giligali muto fosa hahulu!+ Mutise matabelo+ amina kakusasana, Ni lika zamina zabulishumi*+ fa lizazi labulaalu.   Mucise sitabelo sa buitumelo sa sinkwa sesiile mumela;+ Muzibahaze linubu zamina zefiwa ka kuitatela! Kakuli ki sona semutabela kueza, mina sicaba sa Isilaele,’ kubulela Jehova Mulena Yapahami ka Kufitisisa.   ‘Haili na, nenitahisize kuli meeno amina abe akenile, asaci sico* mwa mileneñi yamina kaufela Ni kutahisa kuli mwa mandu amina kaufela kutokwe sinkwa;+ Kono nemusika kutela ku na,’+ kubulela Jehova.   ‘Hape nenisika mineliseza pula likweli zetaalu pili nako ya kutulo+ isika fita kale; Nanelisa pula mwa muleneñi omuñwi ni kusa inelisa ku omuñwi. Pula neinela mwa kalulo yeñwi ya naha, Kono kalulo yeñwi ya naha mone kusina pula neioma.   Batu ba mwa mileneñi yemibeli kamba yemilaalu nebaya kwa muleneñi ulimuñwi inze batantalika kuli bayo nwa mezi,+ Mi nebasa kolwi; Kono nemusika kutela ku na,’+ kubulela Jehova.   ‘Naminata ka kucisa kokutuna ni muuta.+ Mwaatisa masimu amina ni masimu a likota za veine, Kono nziye ikasinya likota zamina za feiga ni likota zamina za olive;+ Nihakulicwalo, nemusika kutela ku na,’+ kubulela Jehova. 10  ‘Namilumela butuku bobuyambukela sina bone nilumile kwa Egepita.+ Nabulaya mitangana bamina ka mukwale+ ni kuhapa lipizi+ zamina. Natahisa kuli munko omaswe ozwa mwa mafulo amina ukambamele mwa lingo zamina;+ Kono nemusika kutela ku na,’ kubulela Jehova. 11  ‘Nenisinyize naha yamina Sina na Mulimu mone nisinyelize Sodoma ni Gomora.+ Mi nemuswana sina kota yezwisizwe mwa mulilo; Kono nemusika kutela ku na,’+ kubulela Jehova. 12  Cwale wena Isilaele, ki sona senika eza ku wena. Kakuli se ki sona senika eza ku wena, Wena Isilaele, uitukiseze kukopana ni Mulimu wahao. 13  Kakuli bona! Ki yena yabupile malundu+ ni yaezize moya;+ Ubulelela mutu mihupulo yahae, Ufetula masa apatalala kuba lififi,+ Mi uhatikela libaka zelumbile za lifasi;+ Jehova Mulimu wa limpi ki lona libizo lahae.”

Litaluso ze kwatasi

Kamba “malenaa bona.”
Kamba “muto nikwenuhela.”
Kamba “likalulo zabulishumi.”
Kamba “nenisika mifa lico za kuca.”