Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

Amosi 3:1-15

LITABA ZE MWAHALI

  • Kushaela katulo ya Mulimu (1-8)

    • Mulimu upatulula kunutu yahae (7)

  • Lushango ka za kulwanisa Samaria (9-15)

3  “Mina sicaba sa Isilaele, hamuutwe linzwi labulezi Jehova ka za mina, ka za lusika kaufela lone nizwisize mwa naha ya Egepita:   ‘Mwahalaa masika kaufela a lifasi, ki mina feela benizibile.+ Ki lona libaka hanika mifa koto kabakala milatu yamina kaufela.+   Kana batu bababeli bakona kuzamaya hamoho basika lumelelana?   Kana tau yakona kubuluma mwa mushitu kusina folofolo yeibata kuswala? Kana tau yamwana* yakona kuhona mwa musima wayona kusina seisweli?   Kana nyunywani yakona kuswasiwa mwa katwa fafasi kusina siteo?* Kana katwa kakona kufasuka fafasi kusina sekaswasize?   Lunaka halulizwa mwa muleneñi, kana batu habana kungangama? Haiba mwa muleneñi kuba ni ziyezi, kana haki Jehova yatahisize cwalo?   Kakuli Jehova Mulena Yapahami ka Kufitisisa, haana kueza nto ni yekana Asika patulula kunutu yahae kwa batanga bahae, bona bapolofita.+   Tau ibulumile!+ Ki mañi yasike asaba? Jehova Mulena Yapahami ka Kufitisisa, habulezi, ki mañi yasike apolofita?’+   ‘Hamuzibahaze taba ye fa litawala zesilelelizwe mwa Ashidodi Ni fa litawala zesilelelizwe mwa naha ya Egepita. Mubulele, muli: “Hamukubukane hamoho kulwanisa malundu a Samaria;+ Hamubone mifilifili yemwahalaa hae Ni litaba za kubukulana zeezahala mwahalaa hae.+ 10  Kakuli habazibi kueza sesilukile,” kubulela Jehova, “Bona babaikubukanyeza mifilifili ni sinyeho mwa litawala zabona zesilelelizwe.”’ 11  Kabakaleo, Jehova Mulena Yapahami ka Kufitisisa, sabulela ki se, uli: ‘Sila sikapotoloha naha,+ Sika mifeza maata, Mi litawala zamina zesilelelizwe likasinyiwa.’+ 12  Jehova sabulela ki se, u li: ‘Sina mulisana hayangwela mahutu amabeli kamba kalulo ya zebe mwa mulomo wa tau, Sicaba sa Isilaele ni sona sikayangwelwa cwalo, Sona sesiinzi cwale mwa Samaria fa mimbeta yeminde ni mwa lipula zende.’*+ 13  ‘Hamuutwe mi mulemuse* ba ndu ya Jakobo,’ kubulela Jehova Mulena Yapahami ka Kufitisisa, yena Mulimu wa limpi. 14  ‘Kakuli ka lizazi lenika fa koto Isilaele kabakala milatu* yahae kaufela,+ Hape nikafa koto lialetare za kwa Betele;+ Manaka a aletare akapumiwa mi akawela fafasi.+ 15  Nikawisa ndu ya maliha hamoho ni ndu ya litabula.’ ‘Mandu a manaka a litou akasinyiwa,+ Mi mandu amatuna* akafela,’+ kubulela Jehova.”

Litaluso ze kwatasi

Kamba “tau yamwana ya bulizi-lizi mwa mulala.”
Kamba mwendi, “kusina siteiso mwateñi.”
Kamba “lipula za kwa Damaseka.”
Kamba “mufe bupaki bwa kulwanisa.”
Kamba “lifoso.”
Kamba mwendi, “Mi mandu amañata.”