Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

Amosi 1:1-15

LITABA ZE MWAHALI

  • Amosi uamuhela lushango loluzwa ku Jehova (1, 2)

  • Likatulo zetahela batu babakuta-kutela kueza milatu (3-15)

1  Ki a manzwi a Amosi,* yomuñwi wa bauti ba lingu ba kwa Tekoa,+ anaafilwe mwa pono ya za Isilaele mwa mazazi a Mulena Oziasi+ wa Juda ni mwa mazazi a Jeroboami+ mwanaa Joasi,+ mulena wa Isilaele, lilimo zepeli pili zikinyeho+ isika ezahala kale.  Naaize: “Jehova ukalumisa linzwi lahae inzaa li mwa Sione, Mi ukatumusa kwa linzwi lahae inzaa li mwa Jerusalema. Mafulisezo a balisana akalila, Mi fa ngo ya lilundu la Karmele kukaoma.”+   “Jehova sabulela ki se, uli: ‘“Kabakala milatu* yemilaalu ya Damaseka, mane ki yemine, hanina kucinca muhupulo waka wa kubafa koto, Kakuli nebapulile Giliadi ka lilei za sipi za kupulisa.+   Cwale nikalumela mulilo ku ba ndu ya Hazaele,+ Mi ukacisa litawala zesilelelizwe za Beni-hadadi.+   Nikaloba lipakiso za Damaseka;+ Nikayundisa babayahile mwa Bikati-aveni Ni yena yabusa* mwa Beti-edeni; Mi sicaba sa Siria sikaiswa mwa buhapiwa kwa Kiri,”+ kubulela Jehova.’   Jehova sabulela ki se, uli: ‘“Kabakala milatu yemilaalu ya Gaza,+ mane ki yemine, hanina kucinca muhupulo waka wa kubafa koto, Kakuli nebaangile sikwata kaufela sa bahapiwa+ ni kusifa mwa mazoho a Edomo.   Kabakaleo, nikalumela mulilo kwa limota la Gaza,+ Mi ukacisa litawala zahae zesilelelizwe.   Nikayundisa babayahile mwa Ashidodi,+ Ni yena yabusa* mwa Ashikeloni;+ Lizoho laka likalwanisa Ekroni,+ Mi Mafilisita babasiyezi bakayunda,”+ kubulela Jehova Mulena Yapahami ka Kufitisisa.’   Jehova sabulela ki se, uli: ‘Kabakala milatu yemilaalu ya Tire,+ mane ki yemine, hanina kucinca muhupulo waka wa kubafa koto, Kakuli nebafile sikwata kaufela sa bahapiwa mwa mazoho a Edomo, Ni kabakala kuli nebasika hupula tumelelano ya banabahabo bona.+ 10  Kabakaleo, nikalumela mulilo kwa limota la Tire, Mi ukacisa litawala zahae zesilelelizwe.’+ 11  Jehova sabulela ki se, uli: ‘Kabakala milatu yemilaalu ya Edomo,+ mane ki yemine, hanina kucinca muhupulo waka wa kubafa koto, Kakuli naandongwami mwanahabo yena ka mukwale,+ Ni kabakala kuli naahanile kubonisa sishemo; Ka buhali bwahae, uzwelapili kubatataula, asaliseli, Mi usa banyemezi hona cwalo.+ 12  Kabakaleo, nikalumela mulilo mwa Temani,+ Mi ukacisa litawala zesilelelizwe za Bozira.’+ 13  Jehova sabulela ki se, uli: ‘“Kabakala milatu yemilaalu ya Amoni,+ mane ki yemine, hanina kucinca muhupulo waka wa kubafa koto, Kakuli bapazuzi limba za basali babaitwezi ba kwa Giliadi kuli baekeze kwa naha yabona.+ 14  Kabakaleo, nikalumela mulilo kwa limota la Raba,+ Mi ukacisa litawala zahae zesilelelizwe, Ka muhuwo wa ndwa fa lizazi la ndwa, Ka liñungwa fa lizazi la moya wa liñungwa. 15  Mi mulenaa bona ukaiswa mwa buhapiwa hamoho ni manduna bahae,”+ kubulela Jehova.’

Litaluso ze kwatasi

Lelitalusa “Kuba Mushimbo” kamba “Kulwala Mushimbo.”
Kamba “lifoso.”
Linzwi ka linzwi, “yasweli mulamu wa bulena.”
Linzwi ka linzwi, “yasweli mulamu wa bulena.”