Mu ye kwa litaba za mwahali

Mu ye fa kalulo ya bubeli ya litaba ze li teñi

Mu ye kwa litaba za mwahali

Lipaki za Jehova

Silozi

Bibele ya fa Intaneti | BIBELE YA TOLOKO YA LIFASI LELINCA

2 Makolonika 19:1-11

LITABA ZE MWAHALI

  • Jehu unyaza Josafati (1-3)

  • Licinceho zanaatahisize Josafati (4-11)

19  Mi Mulena Josafati wa Juda akutela kwa ndu*+ yahae mwa Jerusalema asika holofala.*  Jehu+ mwanaa Hanani+ muboni wa lipono, azwa kuyo katanyeza Mulena Josafati mi ali ku yena: “Kana waswanela kutusa babamaswe,+ mi kana waswanela kulata babatoile Jehova?+ Kabakaleo, Jehova ukuhalifezi.  Nihakulicwalo, kufumanwi lika zende ku wena,+ kakuli uzwisize likota za kulapela* mwa naha, mi uitukiselize mwa pilu yahao* kubata Mulimu wa niti.”+  Josafati azwelapili kupila mwa Jerusalema, mi hape azwa, apotela sicaba, kukalela kwa Beere-sheba kuyo fita kwa naha ya malundu ya Efraimi,+ kuli abakutiseze ku Jehova Mulimu wa bo kuku wabona.+  Hape aketa baatuli mwa mileneñi kaufela yesilelelizwe mwa naha kamukana ya Juda, mwa muleneñi ni muleneñi.+  Mi abulelela baatuli bao, ali: “Muise pilu ku zemueza, kakuli hamuatuleli mutu, kono muatulela Jehova, mi uinzi ni mina hamuatula.+  Cwale musabe Jehova.+ Mutokomele zemueza, kakuli Jehova Mulimu waluna haatuli ka kusaluka,+ haana ketululo,+ mi halekiwi kweta.”+  Hape mwa Jerusalema, Josafati aketa mwateñi babañwi ba Malivi ni baprisita ni babañwi ba litoho za mabasi a Isilaele a bahandataa bona, kuli babe baatuli babaatulela Jehova ni kuatula litaba za batu babayahile mwa Jerusalema.+  Mi abalaela, ali: “Ki se semuswanela kueza ka busepahali ni ka lipilu zamina kaufela,* inze musaba Jehova: 10  Nako ifi kamba ifi banabahabo mina babapila mwa mileneñi yabona habaka tisa litaba za kusulula mali+ kamba za mulao, za litaelo, za litemuso, kamba za likatulo, mubalemuse ilikuli basike baba ni mulatu ku Jehova; hakusicwalo, uka mihalifela, mina ni banabahabo mina. Muezange cwalo kuli musike mwaba ni mulatu. 11  Ki yo Amaria muprisita yomuhulu yaka mietelela mwa litaba kaufela za Jehova.+ Zebadia mwanaa Ishimaele ukaba mueteleli wa ba lusika lwa Juda mwa litaba kaufela za mulena. Mi Malivi bakaba bazamaisi bamina. Mutiye mi mueze musebezi, mi haike Jehova abe ni babaeza zende.*+

Litaluso ze kwatasi

Kamba “ndu ya bulena.”
Kamba “ka kozo.”
Kamba “mi pilu yahao iikatulezi.”
Kamba “ka lipilu zeineezi ka kutala.”
Kamba “abe kwa lineku la zende.”