Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

1 Samuele 5:1-12

LITABA ZE MWAHALI

  • Aleka i mwa naha ya Mafilisita (1-12)

    • Dagoni wakokobezwa (1-5)

    • Mafilisita banatwa ka butuku (6-12)

5  Mafilisita hase bahapile Aleka+ ya Mulimu wa niti, baizwisa mwa Ebenezere ni kuiisa kwa Ashidodi.  Mafilisita baanga Aleka ya Mulimu wa niti, baikenya mwa ndu* ya mulimu wa siswaniso yabizwa Dagoni mi baibeya kwatuko ni Dagoni.+  Batu ba mwa Ashidodi habazuha habusa kakusasana, bafumana kuli Dagoni uwezi fafasi ka pata fapilaa Aleka ya Jehova.+ Kiha baanga Dagoni ni kumukutiseza mwa sibaka sahae.+  Habusa kakusasana habazuha, bafumana kuli Dagoni uwezi fafasi ka pata fapilaa Aleka ya Jehova. Toho ya Dagoni ni lingandi za mazoho ahae amabeli nelipumilwe mi nelili mwa munyako. Mubili* wahae ki ona feela* one usiyezi uiketile.  Ki lona libaka kuto fita ni la kacenu le, baprisita ba Dagoni ni batu kaufela babakena mwa ndu ya Dagoni habasa hatangi fa munyako wa ndu ya Dagoni mwa Ashidodi.  Lizoho la Jehova lalwanisa batu ba mwa Ashidodi, mi abanyandisa ka kunata Ashidodi ni libaka zayona ka litombo za butuku bwa mihata.*+  Batu ba mwa Ashidodi hababona sene siezahala, babulela, bali: “Musike mwasiya Aleka ya Mulimu wa Isilaele kwanu ku luna, kakuli lizoho lahae lilulwanisize hahulu hamoho ni mulimu waluna Dagoni.”  Kiha baluma batu kuli bayo kopanya malena kaufela ba Mafilisita, mi bababuza, bali: “Aleka ya Mulimu wa Isilaele luka ieza cwañi?” Malena bao kiha baalaba, bali: “Aleka ya Mulimu wa Isilaele iisiwe kwa Gati.”+ Mi baisa Aleka ya Mulimu wa Isilaele kwateñi.  Hase baisize Aleka kwa Gati, lizoho la Jehova lalwanisa muleneñi wo, mi latahisa kuli batu ba mwateñi baikalelwe hahulu. Anata batu ba mwa muleneñi wo, kukalela ku yomunyinyani kuisa ku yomuhulu, mi bakenelwa ki butuku bwa mihata.+ 10  Cwale baisa Aleka ya Mulimu wa niti kwa Ekroni,+ kono Aleka ya Mulimu wa niti isapunya feela mwa Ekroni, batu ba mwa Ekroni bakala kutongoka, bali: “Batisize Aleka ya Mulimu wa Isilaele kwanu kuli balubulaye, luna hamoho ni sicaba saluna!”+ 11  Kiha baluma batu kuyo kopanya malena kaufela ba Mafilisita, mi bali ku bona: “Hamuzwise Aleka ya Mulimu wa Isilaele mo; ikutiswe habo yona kuli luna ni sicaba saluna lusike lwabulaiwa.” Kakuli batu kaufela ba mwa muleneñi wo nebakenezwi ki sabo ya lifu; lizoho la Mulimu wa niti nelilwanisize hahulu muleneñi wo,+ 12  mi batu bane basika shwa bakenelwa ki butuku bwa mihata. Mi muhuwo wa batu ba mwa muleneñi wa kuikupela tuso wakambamela kwa mahalimu.

Litaluso ze kwatasi

Kamba “tempele.”
Kamba, “kalulo ya mulimu wa siswaniso yebonahala inge tapi.”
Linzwi ka linzwi, “Ki Dagoni feela.”
Kamba “litombo za mwa lila lelizwisa zemaswe.”