Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

1 Pitrosi 5:1-14

LITABA ZE MWAHALI

  • Mulise mutapi wa Mulimu (1-4)

  • Muikokobeze mi mutone (5-11)

    • Munepele lipilaelo kaufela ku Mulimu (7)

    • Diabulosi uswana sina tau yebuluma (8)

  • Manzwi a mafelelezo (12-14)

5  Ka mukwa ocwalo, na, ka kuba muuna-muhulu sina mina, paki ya manyando a Kreste ni yaabezwi ni kwa kanya yekapatululwa,+ nikupa baana-bahulu mwahalaa mina, nili:  Mulise mutapi wa Mulimu+ omufilwe kuli muubabalele, inze musebeza sina baokameli, isiñi ka kuhapelezwa, kono ka kuitatela fapilaa Mulimu;+ isiñi ka lilato la kuipumanela lika ka kusasepahala,+ kono ka kutukufalelwa;  isiñi ka kubusa babali saanda sa Mulimu,+ kono ka kutomela mutapi mutala.+  Mi mulisana yomutuna+ hasaabonahezi, mukaamuhela kuwani yekanya ya bulena yesasinyehi.+  Ka mukwa oswana, ni mina micaha muipeye kwatasaa baana babahulile.*+ Kono kaufelaa mina muapale* buikokobezo* hamusebelisana ni babañwi, kakuli Mulimu uhanyeza babaikankabeka, kono ufa sishemo sahae ku babaikokobeza.+  Ka mukwa ocwalo, muikokobeze mwatasaa lizoho lelimaata la Mulimu, kuli amipahamise ka nako yateñi,+  inze munepela lipilaelo zamina kaufela ku yena,+ kakuli wamiisa pilu.+  Mube ni kutwisiso, mutone!+ Sila samina, yena Diabulosi, uzamaya sina tau yebuluma, yebata yeika ca.*+  Kono mumuhanele,+ inze mutiile mwa tumelo, ka kuziba kuli kopano ya mizwale bamina kaufela mwa lifasi isweli kutiyela manyando aswana.+ 10  Kono hase munyandile ka nakonyana, Mulimu wa sishemo kaufela, yanaa mibizelize kwa kanya yahae yesafeli+ ka kuswalisana ni Kreste, yena kasibili ukafeleleza kumiluta. Uka mifa maata,+ uka mitiisa.+ 11  Ku yena kube maata kuya kuile. Ameni. 12  Nimiñolezi ka bukuswani, ka Silvano,*+ yeniinga kuba muzwale waka yasepahala, kuli nimisusueze ni kumifa bupaki bobumaata bwa kuli se ki sona sishemo sa Mulimu sa niti. Muyeme ku sona inze mutiile. 13  Musali ya mwa Babilona, muketiwa sina mina, wamilumelisa, ni Mareka+ mwanaka, wamilumelisa. 14  Mulumelisane ka kuitubeta ka lilato. Haike kaufelaa mina babaswalisana ni Kreste mube ni kozo.

Litaluso ze kwatasi

Kamba “baana-bahulu.”
Kamba “muitame.”
Kamba “munahano o kwatasi.”
Kamba “ibata mutu yeika miza.”
Hape ubizwa Silasi.