Mwa ku fumanela litaba ka bunolo

Mukete puo

Mu ye fa kalulo ya bubeli ya litaba ze li teñi

Mu ye kwa litaba za mwahali

Mu ye kwa litaba za mwahali

Lipaki za Jehova

Silozi

Bibele ya fa Intaneti

BIBELE YA TOLOKO YA LIFASI LELINCA

1 Makorinte 3:1-23

LITABA ZE MWAHALI

  • Batu ba mwa Korinte isali ba nama (1-4)

  • Mulimu wahulisa (5-9)

    • Kusebeza ni Mulimu (9)

  • Muyahise ka liyahiso zesaci mulilo (10-15)

  • Mu tempele ya Mulimu (16, 17)

  • Butali bwa lifasi ki butoto ku Mulimu (18-23)

3  Ka mukwa ocwalo mizwale, nenisa koni kubulela ku mina sina yabulela kwa batu ba kwa moya,+ kono sina yabulela kwa batu ba nama, sina yabulela kwa limbututu+ ze ku Kreste.  Neni miutile ka mabisi, isiñi ka lico zetiile, kakuli nemusika tiyelela. Mane nihaiba cwale, hamusika tiyelela kale,+  kakuli musali ba nama.+ Haubona mwahalaa mina kusanani muna ni mifilifili, kana ha mu ba nama,+ mi kana hamuzamayi sina mobazamaela batu ba lifasi?  Kakuli yomuñwi hali: “Na ni wa Paulusi,” kono yomuñwi uli: “Na ni wa Apolosi,”+ kana hamuezi sina babañwi kaufela?  Cwale Apolosi ki mañi? Ni Paulusi ki mañi? Ki likombwa+ zeo nemubile balumeli ka zona, sina Mulena mwanaafezi yomuñwi ni yomuñwi.  Na nenicezi,+ Apolosi naaselaezi,+ kono Mulimu ki yena yanaahulisa,  kuli yacala asike aba sesiñwi kamba yaselaela, kono ibe Mulimu yahulisa.+  Cwale yacala ni yaselaela baeza nto yeswana,* kono mutu ni mutu ukaamuhela mupuzo wahae luli kulikana ni musebezi wahae.+  Kakuli lusebeza hamoho ni Mulimu. Mina mu simu ya Mulimu yelimwa ki yena, mu muyaho wa Mulimu.+ 10  Ka kuya ka sishemo sa Mulimu sene nifilwe, neniyahile mutomo+ sina muyahi yali caziba,* kono mutu usili usweli wayaha fateñi. Kono mutu ni mutu atokomele mwayahela fa mutomo wo. 11  Kakuli hakuna mutu yakona kutoma mutomo usili kwandaa otomilwe, ili yena Jesu Kreste.+ 12  Cwale haiba mutu ayaha fa mutomo wo ka gauda, silivera, macwe a butokwa, likota, musuhela, kamba mwange, 13  musebezi wa mutu ni mutu ukabonahala seuli sona,* kakuli lizazi la muliko lika ubonahalisa, bakeñisa kuli ukapatululwa ka mulilo,+ mi mulilo kasibili ukabonahalisa mufuta wa musebezi wayahile mutu ni mutu. 14  Haiba musebezi wayahile mutu fa mutomo usiyala, mutu yo ukaamuhela mupuzo; 15  haiba musebezi wa mutu uyonga mwa mulilo, mutu yo ukasinyehelwa, kono yena kwateñi ukapiliswa; niteñi, haiba kuba cwalo, kukaba inge yabandukile mwa mulilo. 16  Kana hamuzibi kuli mina mu tempele ya Mulimu+ ni kuli moya wa Mulimu uinzi ku mina?+ 17  Haiba mutu asinya tempele ya Mulimu, Mulimu uka musinya; kakuli tempele ya Mulimu ikenile, mi tempele yeo ki mina.+ 18  Kusike kwaba ni yaipuma: Haiba yomuñwi mwahalaa mina unahana kuli ubutali mwa lifasi le,* afetuhe sitoto, kuli abe yabutali. 19  Kakuli butali bwa lifasi le ki butoto ku Mulimu, kakuli kuñozwi kuli: “Uswasa bababutali mwa bupumi bwabona.”+ 20  Mi hape kuñozwi kuli: “Jehova* waziba kuli mihupulo ya bababutali haina tuso.”+ 21  Hakulicwalo kusike kwaba ni yaitumba ka batu; kakuli lika kaufela ki zamina, 22  ibe Paulusi kamba Apolosi kamba Kefasi*+ kamba lifasi kamba bupilo kamba lifu kamba lika zeliteñi cwale kamba lika zesataha, lika kaufela ki zamina; 23  mi mina muba Kreste;+ mi Kreste ki wa Mulimu.

Litaluso ze kwatasi

Kamba “banani mulelo ulimuñwi.”
Kamba “muzamaisi wa misebezi yanani butali.”
Linzwi ka linzwi, “ukapatululwa.”
Kamba “miteñi ye.” Mubone Litaluso za Manzwi.
Hape ubizwa Pitrosi.