Ɓude è wɛlɛ suʋaitiɛ va

Jehova Na Seeleitiɛ

Zii woi gila siɣi Loma

È Ɣìsu Daa-nɔwɔ-wo Kaa Ɓea?

È Ɣìsu Daa-nɔwɔ-wo Kaa Ɓea?

Yà ɣɛ tea . . .

  • ooi?

  • ɓa?

  • ɣeeta?

 BAABOI ƔƐ

“Gala kagi ɣa sa a . . . te ɣaazu maa yiɛi ɣaazɔ ɓale te ɣaazu. Saa lɛ sa wɔlɔ-wɔlɔ ɣɛɛ ná ɔ́ nɔ ɣɛ ga te yii zuuli te wɔlɔ, ɔɔ taɓa maʋaa ta nɛpɛ ge ɣɛ sa ná.”Faa wuloai kɛnɛ ma 21:3, 4, Deʋe Niinɛi.

NAA MAWULO-NUMAI È ƲAA MA

Yà zoo è kwɛ̃ɛ gaa Gala laale é faa yowũitiɛ kɛɛzu.Jĩi 1:13.

Towaa è yìila ani yà kwɛ̃ɛna gaa Gala ka de ɣaazu maa wõi zo da laa-nɔwɔ-wogi zu.Zechariah 2:8, New World Translation (NW).

Kito ka ná gaa daa-nɔwɔ wogi mazii pɛ ka vaazu ɓeazu.Psalm 37:9-11, NW.

 DAA LA ƁƆƆ GAA NII BAABOI BOGA?

Ooi, zaɓu felegɔ ma:

  • Gala zílivɛ gaa daa-nɔwɔ wo taa tele-bo-tala luo. Ɣí ga-ziɛ nɔ wɔlɔ-wɔlɔ naa velei ɔ́ wãla la Jehova ma gaa é wɛlɛ gaa-ɓaa vea va tiɛ ná numaitiɛ daa-nɔwɔ wo. Baaboi bogɛ gaa ɛ́ lɛ ɣɛni nɛɛzu Jehova vɛ gaa velei te ɣɛni ná numaitiɛ zosu la.Judges 2:18, NW.

    Gala lɛ wõini gaa numaitiɛ ta kuu-zu-ɓɔlɔ ʋaa ɣɛ gaa te vaitiɛ. Baaboi bogɛ ɓalaa gaa Gala lɛ wõini gaa ɔ́ ɣaazu la nu vaa vea ma.Proverbs 6:16, 17, NW.

  • Gala ɓalavɛ de ɣile-giledaitiɛ ʋaa ma. Ooi, a de ɣile-giledaitiɛ de ɓɔɔ ɓala ʋai wɛ̃ni, kɛ̀ Jehova de ɓala ʋaitiɛ pɛ kwɛ̃ni.2 Chronicles 6:29, 30, NW.

Su lɛ saa woozani Jehova ná Masadai va é daa-nɔwɔ-wogi wulo da ŋeteai zu. (Mafiyu 6:9, 10) É yɛsu siɛgi naa yɛ ziiti, numaitiɛ ta Gala ɣaa-ziɛ towaa te zɛ-sɛ bo.—Te ɣɛɛ ʋaitiɛ 17:27; 2 Kɔlĩitiɛ 1:3, 4.

 ƔÍ GAA-ZIƐ NII MA

Zɛɓɛi é kɛɛ Gala yɛ wɛlɛ de va diɛ laa-nɔwɔ wo?

Yà gaa-zaɣa kɛɛ naa ɣaa wotegi vɛtɛ Baaboi zu. Tɔ LOOMƐITIƐ 5:12 taa 2 PITE 3:9 zu.