Ani yà wɛlɛna ŋeteai zu ʋai va zaa, yà ɣɛ tea . . .

  • tɔ vaazu yɛsu nɔ ɣɛni wɔ?

  • towaa yowũ é leve nii va?

  • towaa va é leve nii va?

 BAABOI ƔƐ

“Gala kagi ɣa sa a . . . te ɣaazu maa yiɛi ɣaazɔ ɓale te ɣaazu. Saa lɛ sa wɔlɔ-wɔlɔ ɣɛɛ ná ɔ́ nɔ ɣɛ ga te yii zuuli te wɔlɔ, ɔɔ taɓa maʋaa ta nɛpɛ ge ɣɛ sa ná. Ɓɔvɛlaale faa wɔlɔ-zaɣagitiɛ te maʋaa ɓea ɣa na a ɣɛ gá.”Faa wuloai kɛnɛ ma 21:3, 4, Deʋe Niinɛi.

NAA MAWULO-NUMAI È ƲAA MA

Yà ɣɛ ŋeteai zu, vɛɛ tele-bo tuo ɣaa ɣɛ ná.—Te ɣɛɛ ʋaitiɛ 10:34, 35.

Seeɓɛ ɓɔga daa-nɔwɔ wo mazii ta nɛpɛ gɛ lɛ saa ɣɛɛ ná.Isaiah 25:8; 33:24, NW.

Waa ɣɛ kuu-zu-nɛɛ zu waa è ɣaa yɔwɔ̃itiɛ taa è ziɛ-puluitiɛ wɔlɔ-wɔlɔ taa wɔlɔ-wɔlɔ.Psalm 37:11, 29, NW.

 DAA LA ƁƆƆ GAA NII BAABOI BOGA?

Ooi, zaɓu felegɔ ma:

  • Nii nɛpɛ Gala ka bo gaa-ɓaa ɣa zéea gaa é kɛ. Baaboi ɣɛ Jehova ɣile kpu ka “é gaa gaa-ɓai pɛ maɣalagi”, ɓɔvɛlaale tíi-tii gɛ lɛ ma. (Faa wuloai kɛnɛ ma 15:3) Naa ma nii é boga gaa tɔ vaazu ŋeteai maa ʋeli bosu gaa ma vagɔ, gaa-ɓaa ɣa zéea gaa é kɛ. È ɣɛ velei Baaboi boga la, “fai pɛ ka zolowo Gala zéea.”Mafiyu 19:26.

  • Gala wõivɛ gaa nii yá bona é kɛ. Mawo-kɔ̃ɔma ɣa gaa, Jehova wõivɛ gaa numaitiɛ te zaa é zeʋu ʋe te ya wulu.Job 14:14, 15, NW.

Baaboi dɛɛvɛ wɔnɔ gaa Gala dui Ziizɛ seeɓɛ vea valoni. Zɛɓɛi é kɛ Ziizɛ naa ɣɛɛni? Ɓɔvɛlaale é ɣɛni wõini gaa é numaa valo. (Maki 1:40, 41) Velei nɔ ziizɛ ɣɛni wõini gaa numaa, yíɛ ɓɔ te va, vele nɔ ɣɛna é ɣɛni dɛɛzu gaa Kéea ɓalaa wõivɛ gaa tiɛ.Jɔ̃ 14:9.

Naa ma Jehova ɓɔga Ziizɛ te wõini gaa te ɓɔ de va de kuu-zu-nɛɛ maa zɔlɔ wo ŋeteai zu é naa luo.Psalm 72:12-14; 145:16, NW; 2 Pite 3:9.

 ƔÍ GAA-ZIƐ NII MA

Gala ka vaazu da ŋeteai maa ʋeli bosu ɣɛle gaa mavagɔ?

Yà gaa-zaɣa kɛɛ naa ɣaa wotegi vɛtɛ Baaboi zu. Tɔ DANIEL 2:44, New World Translation (NW) taa MAFIYU 6:9 zu.