Ɓude è wɛlɛ suʋaitiɛ va

Jehova Na Seeleitiɛ

Zii woi gila siɣi Loma

È Ɣìsu Zɛɓɛ Wɔlɔ Ɣa É Gaa Baaboi?

È Ɣìsu Zɛɓɛ Wɔlɔ Ɣa É Gaa Baaboi?

Yà ɣɛ tea tɔ gaa . . .

  • nu ɓuse ná kele-ɣele?

  • kɔlɔi ya zɛɛ ʋaa wo?

  • Gala daa woo?

 BAABOI ƔƐ

“Kɛ̀ Gala baa ŋinɛgi ɔ́ numaa yii wuziɣi tiɛ woi nii wo ɔ́ wulo Gala da.”​—2 Pite 1:21, Deʋe Niinɛi.

NAA MAWULO-NUMAI È ƲAA MA

Gaa-zaɣa kɛɛ ɓigiitiɛ te maɣaa wotegitiɛ taa è yìila.​—Proverbs 2:1-5, NW; Mafiyu 7:7.

Tɛnɛ goi ya ɓɔ è va zaa ŋeteai zu.​—2 Temete 3:16.

Kito kpɔɔ-ɓɔɔgi é vile ŋina ŋeteai va.​—Loomɛitiɛ 15:4.

 DAA LA ƁƆƆ GAA NII BAABOI BOGA?

Ooi, zaɓu saagɔ ma:

  • Baabo wɔlɔitiɛ te woo laavɛ ma. Nu yee naagɔ ɣa é Baaboi wonɛni, tɔwɔ ponɛ ziɛgi leveni ɓalaa kwena 1,600 va. Ponɛ veaitiɛ te ʋikaa tɛ lɛ wɛlɛni ɣii va. Naa ɓalaa ɣɛɛvɛ, Baabo wɔlɔitiɛ pɛ te woo ɣa nɔ su ɣile. Keela wo ɓi gilaa nɔ ɣa é Baaboi zu.

  • Gaamai ɣa é Baaboi zu. Baaboi wonɛ veaitiɛ tɔɔ ziɣi pele va gaa te faa yowũ ɣɛ, kɛ̀ Gala boni te ma gaa te faa yowũi naatiɛ wonɛ. Tɛ lɛ te ɣɛɛ ʋai naatiɛ maa lowũni, te tepɛ ponɛni.​—Maki 14:50-52.

  • Daa la gaa nii Gala daa woi zɛni naa luo é bo. Baaboi kwena wũ dɔfelaa yɛni naa luo é bo gaa nui Gala yee ɓadoga bá gaa masa, tɔɔ ka Bɛfelehɛ̃ɛ lai zu é Yudiiya. Tɔwɔ te Ziizɛ ɣaani tai naa zu.​—Mafiyu 2:1-6.

Niitiɛ Baaboi te yɛni naa luo é te wo tamaa ɣɛɛ saa è ɣɛ velei Baaboi boni la. È ɣìsu naa laale maa nɛɛ de kwɛ̃ɛ é vile Baaboi va, gaa nii ya bo towaa ɣɛ?​—2 Pite 1:21.

 ƔÍ GAA-ZIƐ NII MA

Gala kɔlɔi ɣa ɓɔ è va ɣɛle è yà ŋeteai ɣɛ gaa pagɔ?

Yà gaa-zaɣa kɛɛ naa ɣaa wotegi vɛtɛ Baaboi zu. Tɔ ISAIAH 48:17, 18, New World Translation (NW) taa 2 TEMETE 3:16, 17 zu.