Moto akoki kozwa na programɛ JW Library Biblia​—Libongoli ya Mokili ya Sika ya boyekoli, oyo ezali sikoyo kaka na Anglais. Liboso obanda, omindimisa ete na aparɛyi na yo, programɛ yango ezali na makambo oyo batye sika. Na nsima, mpo ozwa Biblia ya boyekoli, salá moko ya makambo oyo elandi:

Ya liboso

• Finá esika bakomi Biblia Libongoli ya Mokili ya Sika ya boyekoli na JW Library, na esika bakomi makambo batye sika. Landá malako nyonso oyo bapesi wana.

Ya mibale (soki Biblia ya boyekoli ezali komonana te esika bakomi makambo batye sika)

• Bɛtá esika bakomi Biblia (na baaparɛyi iOS mpe ya Windows) to poná Biblia na Menu (ya baaparɛyi ya Android).

• Bɛtá esika bakomi minɔkɔ. Na baaparɛyi ya mike, okoki komona yango na menu mosusu.

• Finá esika bakomi Biblia​—Libongoli ya Mokili ya Sika (ya boyekoli). Landá malako nyonso oyo bapesi wana.

• Na baaparɛyi mosusu ekosɛnga opona Biblia​—Libongoli ya Mokili ya Sika (ya boyekoli) lisusu mpo obanda kosalela yango.