Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Mokanda ya likita Bomoi mpe mosala  |  Sanza ya Décembre 2016

 BOMOI YA BAKRISTO

‘Ngai oyo! Tindá ngai!’

‘Ngai oyo! Tindá ngai!’

Yisaya azali ndakisa malamu na oyo etali komipesa. Amonisaki kondima mpe andimaki mbala moko kozwa mokumba moko, atako ayebaki te soki ezali mokumba nini. (Yis 6:8) Yo mpe okoki kobongisa makambo mosusu mpo okende kopesa mabɔkɔ esika mposa ya basakoli ya Bokonzi ezali monene? (Nz 110:3) Na ntembe te, ezali na ntina mingi ‘koyeba mosolo nini ekosɛnga’ liboso ya kokende. (Lk 14:27, 28) Kasi, ezali malamu kondima komipimela makambo mosusu mpo na mosala ya kosakola. (Mt 8:20; Mr 10:28-30) Ndenge emonisami na video Kokende kosakola esika mposa ezali monene, mapamboli oyo tozwaka na mosala ya Yehova eleki mosika makambo nyonso oyo tomipimeli.

NSIMA YA KOTALA VIDEO YANGO, BÓPESA BIYANO NA MITUNA OYO:

  • Makambo nini bato ya libota ya ndeko Williams bamipimelaki mpo na kokende kosakola na Équateur?

  • Makambo nini batalelaki liboso bápona esika ya kokende?

  • Mapamboli nini bazwaki?

  • Ndenge nini okoki koyeba malamu esika oyo mposa ezali monene?

NA BOYEKOLI NA BINO NA KATI YA LIBOTA, BÓTALELA MITUNA OYO:

  • Tokoki kosala nini mpo tómipesa na mosala ya kosakola libota mobimba? (km 8/11 4-6)

  • Soki tokokoka te kokende esika mposa ezali monene, ndenge nini tokoki kosalisa lisangá na biso? (w16.03 3-5)