Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Mokanda ya likita Bomoi mpe mosala  |  Sanza ya Octobre 2016

 BOMOI YA BAKRISTO

Oyebi kosalela malamu karte ya JW.ORG?

Oyebi kosalela malamu karte ya JW.ORG?

Lokola bolɔzi monene ekómi pene, mosala ya kosakola ezali lisusu mosala ya kozelisa te. (Mas 24:11, 12, 20) Mpo na kosalisa bato, tokoki kosalela karte mpo na kobenda likebi na bango na Liloba ya Nzambe mpe na site Internet na biso. Karte yango ezali na kode oyo ekomema na video Mpo na nini koyekola Biblia? mpe eyebisi moto aluka koyeba makambo mosusu to asɛnga koyekola Biblia. Bato mosusu balingaka kozwa mikanda na biso te kasi bandimaka kokɔta na site Internet na biso. Tókakatanaka te kopesa bato karte yango. Kasi, tópesa karte yango te na moto oyo asepeli te.

Ntango ozali kosala makambo na yo ya mokolo na mokolo, okoki kobenda likebi ya moto soki kaka olobi: “Nazali na eloko moko ya kopesa yo. Karte oyo ekosalisa yo okɔta na site Internet oyo ezali na makambo ebele mpe bavideo ya ofele oyo elobeli makambo ndenge na ndenge.” (Yn 4:7) Lokola karte yango ezali monene te, okoki kotambolaka na mwa ndambo mpo opesa bato soki libaku emonani.