Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Mokanda ya likita Bomoi mpe mosala  |  Sanza ya Juin 2017

 BOMOI YA BAKRISTO

Kondima na yo na bilaka ya Yehova ezali mpenza makasi?

Kondima na yo na bilaka ya Yehova ezali mpenza makasi?

Yosua ná Salomo balobaki ete ata liloba moko te ezangaki kokokisama na bilaka ya Yehova. (Yos 23:14; 1Ba 8:56) Litatoli ya bato yango mibale oyo bamonaki na miso kokokisama ya bilaka yango epesi biso lisusu ntina ya kokómisa kondima na biso makasi.2Ko 13:1; Tit 1:2.

Ndenge nini Yehova akokisaki bilaka na ye na ntango ya Yosua? Bótala na libota video ‘Ata liloba moko te ezangaki kokokisama.’ Na nsima, bótalela mituna oyo: (1) Ndenge nini okoki komekola Rahaba na makambo oyo asalaki, oyo emonisaki ete azalaki na kondima? (Ebr 11:31; Yk 2:24-26) (2) Ndenge nini ndakisa ya Akana emonisi ete koboya kotosa na nko nyonso ememaka na libebi? (3) Atako bato ya Gibeone bazalaki bilombe ya etumba, mpo na nini bakosaki Yosua mpe basalaki kimya ná Yisraele? (4) Ndenge nini maloba ya Yehova ekokisamaki ntango bakonzi mitano ya Baamore balukaki kobundisa Yisraele? (Yos 10:5-14) (5) Ndenge nini Yehova asungaka yo ntango otyaka Bokonzi na ye na esika ya liboso na bomoi na yo?Mt 6:33.

Soki tozali kokanisa nyonso oyo Yehova asalelá biso, oyo azali kosalela biso mpe oyo akosalela biso, kondima na biso na bilaka na ye ekokóma makasi mpenza.Ro 8:31, 32.

Ozali na kondima lokola oyo ya Yosua?