Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Mokanda ya likita Bomoi mpe mosala  |  Sanza ya Avril 2017

 BOMOI YA BAKRISTO

Okoki kolendisa ndeko oyo atiká kosakola

Okoki kolendisa ndeko oyo atiká kosakola

Na mokolo ya mibale, mwa 11/04/2017, bandeko mingi oyo batiká kosakola bakoya na Ekaniseli. Bakristo yango babandaki kopota mbangu mpo na bomoi, kasi balɛmbá mpo na makambo ndenge na ndenge, lokola makambo mosusu oyo mwa buku Zongelá Yehova elobeli. (Ebr 12:1) Atako bongo, bandeko oyo batiká kosakola bazali kaka na motuya na miso ya Yehova, mpo asombaki bango na makila ya Mwana na ye. (Mis 20:28; 1Pe 1:18, 19) Ndenge nini tokoki kosalisa bango bázonga na lisangá?

Bankulutu balukaka bakristo oyo batiká kosakola mpo na kosalisa bango kaka ndenge mobateli ya mpate asalaka nyonso mpo na koluka mpate oyo ebungi. (Lk 15:4-7) Yango emonisaka bolingo ya Yehova. (Yir 23:3, 4) Longola bankulutu, biso nyonso tokoki kolendisa bango. Milende na biso mpo na komonisela bango boboto mpe komitya na esika na bango esepelisaka Yehova mpe ekoki kopesa esengo mpenza. (Mas 19:17; Mis 20:35) Yango wana, kanisá baoyo okoki kolendisa, mpe salá yango kozanga koumela!

TALÁ VIDEO LENDISÁ BANDEKO OYO BATIKÁ KOSAKOLA, NA NSIMA YANOLÁ NA MITUNA OYO:

  • Makambo nini Abbey ye moko asalaki ntango akutanaki na mwasi oyo azalaka Motatoli kasi bayebanaki te?

  • Mpo na nini tosengeli kosolola liboso na bankulutu soki tozali kokanisa kosalisa ndeko oyo atiká kosakola

  • Ndenge nini Abbey amibongisaki mpo na kokende kotala Laura mbala ya mibale?

  • Ndenge nini Abbey alendendelaki, amonisaki motema molai, mpe bolingo ntango azalaki komeka kolendisa Laura?

  • Mateya nini tokoki kozwa na ndakisa ya Yesu oyo ezali na Luka 15:8-10?

  • Mapamboli nini emonanaki na milende makasi oyo esalemaki mpo na kosalisa Laura?