Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Mokanda ya likita Bomoi mpe mosala  |  Sanza ya Février 2017

 BOMOI YA BAKRISTO

Saleláká mikanda na biso malamu

Saleláká mikanda na biso malamu

Yesu alobaki: “Bozwi ofele, bópesa ofele.” (Mt 10:8) Lokola tolandaka malako yango ya polelepolele, tofutisaka bato mbongo te soki bazwi Biblia to mikanda na biso. (2Ko 2:17) Atako bongo, mikanda yango ezalaka na mateya oyo euti na Biblia. Kobimisa mikanda na biso mpe kotinda yango na masangá na mokili mobimba ezali mosala makasi mpe esɛngaka mbongo ebele. Yango wana, zwáká kaka mikanda oyo osengeli na yango.

Saleláká bososoli ntango ozali kopesa bato mikanda, ata ntango ozali kosakola na bisika ya bato mingi. (Mt 7:6) Na esika opesa moleki-nzela nyonso mokanda, salá nyonso osolola na ye mpo oyeba soki asepeli to te. Talá soki okoyanola Ɛɛ ata na motuna moko na mituna oyo ezali na etanda wana! Soki olongi te koyeba soki moto asepeli to te, malamu opesa ye trakte. Kasi, soki asɛngi zulunalo to mokanda mosusu, osengeli kopesa ye yango na esengo.Mas 3:27, 28.