Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Mokanda ya likita Bomoi mpe mosala  |  Sanza ya Février 2017

 MAKAMBO YA MOTUYA NA LILOBA YA NZAMBE | YISAYA 58-62

Sakolá “mbula ya boboto oyo euti na Yehova”

Sakolá “mbula ya boboto oyo euti na Yehova”

“Mbula ya boboto oyo euti na Yehova” ezali mbula ya sanza 12 te

61:1, 2

  • Ezali ntango oyo na boumeli na yango Yehova apesi bato ya komikitisa libaku ya kondima nsango na ye ya bonsomi

  • Na siɛklɛ ya liboso, mbula ya boboto ebandaki ntango Yesu abandaki mosala na ye ya kosakola na mobu 29 T.B. mpe eumelaki tii ‘mokolo Yehova azongisaki mabe’ ntango Yerusaleme ebebisamaki na mobu 70 T.B.

  • Na mikolo na biso, mbula ya boboto ebandaki ntango Yesu akómaki Mokonzi na likoló na 1914 mpe ekosuka na bolɔzi monene

Yehova atyeli bato na ye “banzete minene ya boyengebene”

61:3, 4

  • Emonani ete banzete oyo eleki milai na mokili ekolaka esika moko na kati ya zamba, mpe ebatelanaka mpo ekwea te

  • Misisa ya banzete yango ekanganaka mpe ebatelanaka mpo ekwea te na mipɛpɛ makasi

  • Banzete ya milai ebatelaka banzete ya mikemike na moi, mpe nkasa oyo ekweisaka ebongisaka mabele

Na mokili mobimba, biso bakristo tozali kolendisama mpe kozwa libateli ya “banzete minene ya boyengebene,” elingi koloba bakristo oyo batyami mafuta na elimo oyo bazali naino awa na mabele