Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Zekaria 3:1-10

3  Mpe ye amonisaki ngai Yosua+ nganga-nzambe monene atɛlɛmi liboso ya anzelu ya Yehova, mpe Satana+ atɛlɛmi na lobɔkɔ ya mobali ya Yosua mpo na kotɛmɛla+ ye.  Bongo anzelu+ ya Yehova alobaki na Satana ete: “Ee Satana, Yehova apamela+ yo, ɛɛ, Yehova apamela yo, ye oyo azali kopona Yerusaleme!+ Moto oyo azali te lokoni oyo elongolami na mɔtɔ?”+  Nzokande, Yosua alataki bilamba ya bosɔtɔ+ mpe atɛlɛmaki liboso ya anzelu.  Bongo ayanolaki mpe alobaki na baoyo batɛlɛmaki liboso na ye ete: “Bólongola ye bilamba ya bosɔtɔ.” Mpe alobaki na ye lisusu ete: “Talá, nalongoli libunga na yo,+ mpe bakolatisa yo bazambala ya lokumu.”+  Bongo nalobaki ete: “Bátya tirba ya pɛto na motó na ye.”+ Mpe batyaki tirba yango ya pɛto na motó na ye mpe balatisaki ye bilamba; mpe anzelu ya Yehova atɛlɛmaki pene wana.  Mpe anzelu ya Yehova abandaki kolendisa Yosua ete:  “Talá oyo Yehova ya mampinga alobi: ‘Soki otamboli na banzela na ngai, mpe soki okokisi mokumba na ngai,+ yo nde okosambisa ndako na ngai+ mpe lisusu okobatela mapango na ngai; mpe nakopesa mpenza yo nzela ya kozala na kati ya baoyo bazali kotɛlɛma pene wana.’  “‘Ee Yosua nganga-nzambe monene, yoká, nabondeli yo, yo ná baninga na yo oyo bafandi liboso na yo, mpo bazali bato oyo bazali makamwisi ya komonisa makambo oyo ekoya;+ mpo talá nazali kokɔtisa Etape,+ ye mosaleli na ngai!+  Mpo talá! natye libanga+ liboso ya Yosua! Libanga yango ezali na miso nsambo.+ Talá nazali kokoma likomi na yango,+ mpe nakolongola libunga ya mboka oyo na mokolo moko,’+ yango nde liloba ya Yehova ya mampinga. 10  “‘Na mokolo yango, moto moko akobenga moto mosusu, wana bokozala na nse ya nzete ya vinyo mpe wana bokozala na nse ya nzete ya figi,’”+ yango nde liloba ya Yehova ya mampinga.

Maloba na nse