Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Zekaria 2:1-13

2  Mpe natombolaki miso na ngai mpe namonaki; mpe talá! moto moko azalaki wana, mpe na lobɔkɔ na ye azalaki na nsinga ya komeka.+  Bongo nalobaki ete: “Okei wapi?” Mpe ye alobaki na ngai ete: “Komeka Yerusaleme, mpo na koyeba bonene na yango mpe bolai na yango.”+  Mpe talá! anzelu oyo azalaki kosolola na ngai azalaki kokende, mpe anzelu mosusu ayaki kokutana na ye.  Bongo alobaki na ye ete: “Potá mbangu, lobá na elenge mobali oyo wana ete: ‘“Na Yerusaleme, bato bakofanda+ lokola na mboka oyo ezangi bifelo, mpo bato ná banyama ya mboka bakozala ebele kuna.+  Mpe ngai moko nakokóma efelo na yango ya mɔtɔ epai na epai,+ mpe ngai nakokóma nkembo kuna,”’”+ yango nde liloba ya Yehova.  “Bino! Bino! Bókima mokili ya nɔrdi,”+ yango nde liloba ya Yehova. “Mpo napalanganisi bino na mipɛpɛ minei ya likoló,”+ yango nde liloba ya Yehova.  “Yo Siona!+ Kimá, yo oyo ozali kofanda na mwana mwasi ya Babilone.+  Mpo talá oyo Yehova ya mampinga alobi: ‘Nsima ya nkembo+ atindaki ngai na bikólo oyo ezalaki kopunza bino;+ mpo moto oyo azali kosimba bino+ azali kosimba mbuma ya liso na ngai.+  Mpo talá nazali koningisela bango lobɔkɔ,+ mpe bakokóma mpenza biloko ya kopunza ya baombo na bango.’+ Mpe bino bokoyeba mpenza ete Yehova ya mampinga ye moko atindi ngai.+ 10  “Ee mwana mwasi ya Siona, gangá makasi mpe sepelá;+ mpo talá nazali koya,+ mpe nakofanda epai na yo,”+ yango nde liloba ya Yehova. 11  “Mpe bikólo mingi bakokangana na Yehova na mokolo yango,+ mpe bakokóma mpenza bato na ngai;+ mpe nakofanda epai na yo.” Mpe okoyeba ete Yehova ya mampinga ye moko atindi ngai epai na yo.+ 12  Mpe Yehova akokamata mpenza Yuda ezala likabo na ye na mabele mosantu,+ mpe akopona lisusu Yerusaleme.+ 13  Moto nyonso, fandá nyɛɛ liboso ya Yehova,+ mpo ye moko alamuki,+ alongwe na esika na ye mosantu.+

Maloba na nse