Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Yosua 3:1-17

3  Na nsima, Yosua alamukaki ntɔngɔntɔngɔ, mpe ye ná bana nyonso ya Yisraele balongwaki na Shitime+ mpe bakómaki na Yordani; mpe balalaki wana liboso ya kokatisa.  Bongo esalemaki boye: nsima ya mikolo misato,+ bakapita+ babandaki koleka na kati ya kaa  mpe kopesa bato mitindo ete: “Ntango bokomona sanduku ya kondimana ya Yehova Nzambe na bino, mpe banganga-nzambe, Balevi, oyo bazali komema yango,+ bokolongwa na esika na bino, mpe bokolanda yango,  —mpo bóyeba nzela oyo bokokende, mpamba te naino bokatisá na nzela wana te—kasi, bosengeli kotika ntaka+ ya mapeko nkóto mibale (2 000)* kati na bino ná yango; bópusana pene na yango te.”  Bongo Yosua alobaki na bato ete: “Bómisantisa,+ mpamba te lobi Yehova akosala makambo ya kokamwa na kati na bino.”+  Na nsima, Yosua alobaki na banganga-nzambe boye: “Bózwa sanduku ya kondimana+ mpe bóleka liboso ya bato.” Bongo bazwaki sanduku ya kondimana mpe bakendaki liboso ya bato.  Mpe Yehova alobaki na Yosua boye: “Lelo, nakobanda kokómisa yo monene na miso ya Yisraele mobimba,+ mpo báyeba ete ndenge nazalaki na Moize,+ ndenge wana nde nakozala na yo.+  Mpe yo—okopesa banganga-nzambe oyo bamemi sanduku ya kondimana mitindo+ ete: ‘Ntango bokokóma na libongo ya Yordani, bokotɛlɛma+ na kati ya Yordani.’”  Bongo Yosua alobaki lisusu na bana ya Yisraele ete: “Bópusana awa mpe bóyoka maloba ya Yehova Nzambe na bino.” 10  Nsima na yango, Yosua alobaki boye: “Na likambo oyo, bokoyeba ete Nzambe ya bomoi azali na kati na bino+ mpe akobengana mpenza liboso na bino Bakanana, Bahiti, Bahivi ná Baperizi, Bagirigashe, Baamore ná Bayebusi.+ 11  Talá! Sanduku ya kondimana ya Nkolo ya mabele mobimba ezali koleka liboso na bino na kati ya Yordani. 12  Sikoyo, bópona mibali zomi na mibale na mabota ya Yisraele, mobali moko na libota moko.+ 13  Mpe ekosalema mpenza boye: na ntango makolo ya banganga-nzambe oyo bamemi sanduku ya Yehova, Nkolo ya mabele mobimba, ekonyata mai ya Yordani, mai ya Yordani ekokatana, mai oyo ezali kouta na likoló, mpe ekotɛlɛma lokola efelo.”+ 14  Mpe esalemaki boye: ntango bato balongwaki na bahema na bango liboso mpenza ya kokatisa Yordani, wana banganga-nzambe oyo bazalaki komema sanduku+ ya kondimana bazali liboso na bango, 15  mpe ntango baoyo bazalaki komema Sanduku bakómaki na Yordani mpe makolo ya banganga-nzambe oyo bamemaki Sanduku yango ekɔtaki na ebandeli ya mai (nzokande Yordani etondisaka bangámbo na yango nyonso+ na mikolo nyonso ya kobuka mbuma), 16  mai oyo ezalaki kouta na likoló ebandaki kotɛlɛma esika moko. Emataki lokola efelo,+ mosika mpenza na Adama, engumba oyo ezali pene na Zaretane,+ mpe mai oyo ezalaki kokita mpo na kokende na mbu ya Araba, Mbu ya Mungwa,+ ekaukaki. Ekatanaki, mpe bato bakatisaki liboso ya Yeriko. 17  Na ntango yango, banganga-nzambe oyo bamemaki sanduku ya kondimana ya Yehova batɛlɛmaki kaka, kozanga koningana, na mabele oyo ekauki+ na katikati ya Yordani, wana Yisraele mobimba ezalaki kokatisa na mabele oyo ekauki,+ tii ntango ekólo mobimba esilisaki kokatisa Yordani.

Maloba na nse

Mɛtrɛ soki 890.