Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Yosua 20:1-9

20  Na nsima, Yehova alobaki na Yosua boye:  “Lobá na bana ya Yisraele boye: ‘Bópona bingumba ya ekimelo+ oyo nalobaki na bino na nzela ya Moize,  mpo mobomi-moto+ oyo abomi molimo moko na nko te, kozanga koyeba, akima kuna; mpe bingumba yango esengeli kozala esika ya kokima mozongisi mabe mpo na makila.+  Mpe akokima+ na moko ya bingumba yango mpe akotɛlɛma na esika ya kokɔta na porte+ ya engumba mpe akoyebisa likambo na ye na matoi ya mikóló+ ya engumba yango; mpe bango bakoyamba ye epai na bango na kati ya engumba mpe bakopesa ye esika mpe ye akofanda elongo na bango.  Mpe soki mozongisi mabe mpo na makila alandi ye, bakokaba mobomi-moto yango na lobɔkɔ na ye te;+ mpamba te abomaki moninga na ye kozanga koyeba, mpe azalaki koyina ye liboso te.+  Mpe akofanda na engumba wana tii ntango akotɛlɛma liboso ya liyangani mpo na kosamba,+ kino liwa ya nganga-nzambe monene+ oyo akozala na mikolo wana. Na ntango wana nde mobomi-moto akoki kozonga,+ mpe akokɔta na engumba na ye mpe na ndako na ye, na engumba oyo autaki ntango akimaki.’”  Bongo basantisaki Kedeshe+ na Galile, na etúká ya ngombangomba ya Nafatali, mpe Shekeme+ na etúká ya ngombangomba ya Efraime, mpe Kiriate-arba,+ elingi koloba: Hebrone, na etúká ya ngombangomba ya Yuda.  Mpe na etúká ya Yordani, pene na Yeriko, na ɛsti, bapesaki Bezere+ oyo ezali na esobe, likoló ya ngomba-patatalu, na kati ya libota ya Rubene,+ mpe Ramote+ na Gileade, na kati ya libota ya Gade, mpe Golane+ na Bashane, na kati ya libota ya Manase.  Yango ekómaki bingumba oyo eponamaki mpo na bana nyonso ya Yisraele mpe mpo na mopaya oyo afandi mopaya kati na bango, mpo moto nyonso oyo abomi molimo moko na nko te akima kuna,+ mpo akufa te na lobɔkɔ ya mozongisi mabe mpo na makila, tii ntango akotɛlɛma liboso ya liyangani.+

Maloba na nse