Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Yosua 17:1-18

17  Bongo libula+ ebimaki mpo na libota ya Manase,+ mpamba te azalaki mwana ya liboso+ ya Yozefe, mpo na Makire+ mwana ya liboso ya Manase, tata ya Gileade,+ mpo azalaki moto ya etumba;+ bongo Gileade+ mpe Bashane ekómaki ya ye.  Mpe libula ebimaki mpo na bana ya Manase oyo batikalaki, na kolanda mabota na bango, mpo na bana ya Abi-ezere,+ bana ya Heleke,+ bana ya Asiriele, bana ya Shekeme,+ bana ya Hefere mpe bana ya Shemida.+ Wana nde bana ya Manase, mwana ya Yozefe, mibali, na kolanda mabota na bango.  Nde Zelofehade+ mwana ya Hefere, mwana ya Gileade, mwana ya Makire, mwana ya Manase, azalaki na bana mibali te, kaka bana basi, mpe bankombo ya bana na ye ya basi yango oyo: Mahala, Noa, Hogla, Milika ná Tireza.+  Bongo bayaki liboso ya nganga-nzambe Eleazare+ mpe liboso ya Yosua, mwana ya Nunu mpe liboso ya bankumu, balobaki ete: “Yehova nde apesaki Moize mitindo ya kopesa biso libula na kati ya bandeko na biso.”+ Boye, na etinda ya Yehova, apesaki bango libula na kati ya bandeko ya tata na bango.+  Mpe ezalaki na biteni zomi oyo epesamaki epai ya Manase, longola mokili ya Gileade mpe Bashane, oyo ezalaki na ngámbo mosusu ya Yordani;+  mpamba te bana basi ya Manase bazwaki libula na kati ya bana na ye ya mibali; mpe mokili ya Gileade ekómaki mokili ya bana ya Manase oyo batikalaki.  Mpe ndelo ya Manase ebandaki na Ashere tii na Mikemetate,+ oyo etalani na Shekeme,+ mpe ndelo yango ekendaki na lobɔkɔ ya mobali tii epai ya bato oyo bafandi na Ene-Tapua.  Mokili ya Tapua+ ekómaki ya Manase, kasi Tapua oyo ezalaki na ndelo ya Manase ezalaki ya bana ya Efraime.  Mpe ndelo yango ekitaki tii na lobwaku ya mokɛli ya Kana, na sudi tii na lobwaku ya mokɛli ya bingumba yango+ ya Efraime oyo ezalaki na kati ya bingumba ya Manase, mpe ndelo ya Manase ezalaki na nɔrdi ya lobwaku ya mokɛli yango, mpe nsuka na yango ezalaki na mbu.+ 10  Na sudi, ezalaki ya Efraime mpe na nɔrdi, ezalaki ya Manase, mpe mbu ekómaki ndelo na ye;+ na nɔrdi, bakanganaki na Ashere mpe na ɛsti, na Isakare. 11  Mpe bingumba ya Manase+ na kati ya Isakare mpe na kati ya Ashere ezalaki Bete-sheane+ ná basité oyo esimbami na yango, Ibleame+ ná basité oyo esimbami na yango, bato oyo bafandi na Dore+ ná basité oyo esimbami na yango, bato oyo bafandi na Ene-dore+ ná basité oyo esimbami na yango, bato oyo bafandi na Taanake+ ná basité oyo esimbami na yango, bato oyo bafandi na Megido+ ná basité oyo esimbami na yango, mikili misato ya bangomba. 12  Mpe bana ya Manase bakokaki te kozwa bingumba yango,+ kasi Bakanana batingamaki kofanda na mokili yango.+ 13  Bongo, ntango bana ya Yisraele bakómaki makasi,+ bakómaki kosalisa Bakanana yango misala ya makasi,+ kasi babenganaki bango nyonso te.+ 14  Mpe bana ya Yozefe basololaki na Yosua boye: “Ndenge nini ndambo ya mokili oyo opesi ngai libula ezali eteni kaka moko,+ nzokande ngai nazali na bato ebele na ndenge Yehova apamboli ngai tii sikoyo?”+ 15  Bongo Yosua alobaki na bango ete: “Soki ozali na bato ebele, kende na zamba, na mokili ya Baperizi+ mpe ya Barefaime,+ mpe katá yango mpo na yo moko, mpo etúká ya ngombangomba+ ya Efraime ekómi moke mingi mpo na yo.” 16  Bongo bana ya Yozefe balobaki ete: “Etúká ya ngombangomba ekokoka biso te, mpe Bakanana nyonso oyo bafandi na mokili ya lobwaku ya patatalu bazali na makalo ya bitumba+ oyo ezali na makwangola, ezala baoyo bazali na Bete-sheane+ mpe basité oyo esimbami na yango, ezala mpe baoyo bazali na lobwaku ya patatalu ya Yizireele.”+ 17  Na yango, Yosua alobelaki ndako ya Yozefe, Efraime mpe Manase boye: “Ozali na bato ebele, mpe ozali na nguya mingi.+ Osengeli te kozwa eteni kaka moko ya mokili,+ 18  kasi etúká ya ngombangomba esengeli kokóma ya yo.+ Lokola ezali zamba, osengeli kokata yango, mpe yango ekozala esika teritware na yo ekosuka. Mpamba te osengeli kobengana Bakanana, atako bazali na makalo ya bitumba oyo ezali na makwangola mpe bazali makasi.”+

Maloba na nse