Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Yosua 16:1-10

16  Mpe libula+ ebimaki mpo na bana ya Yozefe,+ banda na Yordani+ pene na Yeriko tii na mai ya Yeriko na ɛsti, esobe oyo ematá banda na Yeriko tii na etúká ya ngombangomba ya Betele.+  Mpe ebimaki banda na Betele ya Luze,+ elekaki na ndelo ya Baarake+ na Atarote,  mpe ekitaki na wɛsti tii na ndelo ya Bayafelete tii na ndelo ya Bete-horone+ ya Nse mpe Gezere,+ mpe nsuka na yango ezalaki na mbu.+  Mpe bana ya Yozefe:+ Manase ná Efraime,+ bazwaki mokili yango.+  Mpe ndelo ya bana ya Efraime, na kolanda mabota na bango, ɛɛ, ndelo ya libula na bango na ɛsti ezalaki: Atarote-adare,+ tii na Bete-horone ya Likoló;+  mpe ndelo yango ebimaki tii na mbu. Mikemetate+ ezalaki na nɔrdi, mpe ndelo yango ebalukaki na ngámbo ya ɛsti tii na Taanate-shilo, mpe ekatisaki na ɛsti tii na Yanoa.  Mpe ekitaki banda na Yanoa tii na Atarote mpe na Naara, ekómaki na Yeriko+ mpe ebimaki tii na Yordani.  Banda na Tapua,+ ndelo yango ekendaki na ngámbo ya wɛsti tii na lobwaku ya mokɛli ya Kana,+ mpe nsuka na yango ezalaki na mbu.+ Wana nde libula ya libota ya bana ya Efraime, na kolanda mabota na bango.  Bana ya Efraime bazalaki na bingumba oyo etyamá+ na kati ya libula ya bana ya Manase, bingumba nyonso mpe bamboka na yango. 10  Nde babenganaki te Bakanana+ oyo bazalaki kofanda na Gezere,+ mpe Bakanana yango bazali kofanda na kati ya Efraime tii na mokolo ya lelo,+ kasi bakómisaki bango bato oyo basalaka mosala makasi ya boombo.+

Maloba na nse