Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Yosua 15:1-63

15  Mpe libula+ ya libota ya bana ya Yuda, na kolanda mabota na bango, ebandaki na ndelo ya Edome,+ esobe ya Zine,+ tii na Negebe,+ na ndelo na yango ya sudi.  Mpe ndelo na bango ya sudi ebandaki na nsuka ya Mbu ya Mungwa,+ banda na esika oyo mai yango ekɔtá na mokili, esika oyo etalá na sudi.  Mpe ekendaki na sudi tii na nzela ya komata Akrabime,+ eleki na Zine+ mpe emati banda sudi tii na Kadeshe-barnea,+ eleki na Hezerone mpe emati na Adare mpe ebaluki tii na Karaka.  Mpe elekaki na Azemone,+ ebimi na lobwaku ya mokɛli ya Ezipito;+ mpe nsuka ya ndelo yango ezalaki na mbu. Wana nde ndelo na bango ya sudi.  Mpe ndelo ya ɛsti ezalaki Mbu ya Mungwa, matá tii na nsuka ya Yordani, mpe ndelo oyo ezalaki na nsuka na nɔrdi ezalaki na esika oyo mbu ekɔtá na mokili, na nsuka ya Yordani.+  Mpe ndelo yango emataki tii na Bete-hogla+ mpe elekaki na nɔrdi ya Bete-araba,+ mpe ndelo yango emataki tii na libanga ya Bohane+ mwana ya Rubene.  Mpe ndelo yango emataki tii na Debire, na lobwaku ya patatalu ya Akore+ mpe ebalukaki na nɔrdi kino na Gilgale,+ oyo etalani ná esika ya komata Adumime, oyo ezali na sudi ya lobwaku ya mokɛli; mpe ndelo yango ekatisaki na mai ya Ene-shemeshe,+ mpe nsuka na yango ezalaki Ene-rogele.+  Mpe ndelo yango emataki tii na lobwaku ya mwana ya Hinome+ tii na mopanzi ya ngomba ya Moyebusi+ na sudi, elingi koloba: Yerusaleme;+ mpe ndelo yango emataki tii na nsɔngɛ ya ngomba oyo etalani na lobwaku ya Hinome na wɛsti, oyo ezali na nsuka ya lobwaku ya patatalu ya Barefaime+ na nɔrdi.  Mpe ndelo yango elekaki banda na nsɔngɛ ya ngomba tii na liziba ya mai ya Nefetoa,+ mpe ebimaki tii na bingumba ya Ngomba Efrone; mpe ndelo yango elekaki kino Baala,+ elingi koloba: Kiriate-yearime.+ 10  Mpe ndelo yango ebalukaki banda na Baala na wɛsti tii na Ngomba Seire mpe ekatisaki na mopanzi ya Ngomba Yearime na nɔrdi, elingi koloba: Kesalone; mpe ekitaki tii na Bete-shemeshe+ mpe ekatisaki tii na Timina.+ 11  Mpe ndelo yango emataki tii na mopanzi ya ngomba ya Ekrone+ na nɔrdi, mpe ndelo yango elekaki tii na Shikerone mpe ekatisaki na Ngomba Baala mpe ebimaki tii na Yabineele; mpe nsuka ya ndelo yango ezalaki na mbu. 12  Mpe ndelo ya wɛsti ezalaki na Mbu Monene+ mpe bokula na yango. Wana nde ndelo nyonso ya bana ya Yuda epai na epai, na kolanda mabota na bango. 13  Mpe apesaki Kalebe,+ mwana ya Yefune, libula na kati ya bana ya Yuda ndenge Yehova apesaki Yosua etinda, elingi koloba: Kiriate-arba (Arba yango azalaki tata ya Anake), elingi koloba: Hebrone.+ 14  Bongo kuna, Kalebe abenganaki bana mibali misato ya Anake,+ elingi koloba: Sheshai,+ Ahimane ná Talamai,+ baoyo Anake abotaki.+ 15  Na nsima, alongwaki wana mpe amataki epai ya bato oyo bafandi na Debire.+ (Nkombo ya Debire ezalaki liboso Kiriate-sefere.)+ 16  Mpe Kalebe alobaki boye: “Moto nyonso oyo akobɛta Kiriate-sefere mpe akozwa yango mpenza, ya solo nakopesa ye Akasa,+ mwana na ngai, azala mwasi na ye.” 17  Na yango, Otiniele,+ mwana ya Kenaze,+ ndeko ya Kalebe, azwaki yango. Bongo apesaki ye Akasa,+ mwana na ye, azala mwasi na ye. 18  Mpe esalemaki boye: ntango azalaki kokende na ndako na ye, azalaki se kotinda mobali na ye asɛnga tata na ye elanga. Bongo Akasa abɛtaki mabɔkɔ ntango azalaki likoló ya mpunda.* Mpe Kalebe alobaki na ye ete: “Olingi nini?”+ 19  Ye alobaki: “Pesá ngai lipamboli, mpamba te opesi ngai eteni ya mabele oyo ekauká na sudi, osengeli mpe kopesa ngai Gulote-maime.”* Bongo, apesaki ye Gulote ya Likoló mpe Gulote ya Nse.+ 20  Wana nde libula+ ya libota ya bana ya Yuda,+ na kolanda mabota na bango. 21  Mpe bingumba oyo ezalaki na nsukansuka ya libota ya bana ya Yuda, na ngámbo ya ndelo ya Edome+ na sudi, ezalaki: Kabizeele,+ Edere ná Yagure, 22  Kina, Dimona ná Adada, 23  Kedeshe, Hazore ná Itinane, 24  Zife, Teleme+ ná Bealote, 25  Hazore-hadata ná Keriote-hezerone, elingi koloba: Hazore, 26  Amame, Shema ná Molada,+ 27  Hazare-gada, Heshimone ná Bete-pelete,+ 28  Hazare-shuale,+ Beere-sheba+ ná Biziotia, 29  Baala,+ Yime ná Ezeme,+ 30  Eletolade, Kesile ná Horoma,+ 31  Ziklage,+ Mademana ná Sansana, 32  Lebaote, Shilihime, Aine+ ná Rimone;+ bingumba nyonso ezalaki ntuku mibale na libwa (29), elongo na bamboka na yango. 33  Na Shefela,+ ezalaki: Eshetaole,+ Zora+ ná Ashena, 34  Zanoa,+ Ene-ganime, Tapua ná Ename, 35  Yaramute,+ Adulame,+ Soko+ ná Azeka,+ 36  Shaaraime,+ Aditaime, Gedera ná Gederotaime; bingumba zomi na minei mpe bamboka na yango. 37  Zenane, Hadasha ná Mi-gedale-gade, 38  Dileane, Mizipe ná Yokoteele, 39  Lakishi,+ Bozekate+ ná Eglone,+ 40  Kabone, Lahamame ná Kitilishe, 41  Gederote, Bete-dagone, Naama ná Makeda;+ bingumba zomi na motoba mpe bamboka na yango. 42  Libina,+ Etere+ ná Ashane, 43  Ifita, Ashena ná Nezibe, 44  Keila,+ Akazibe+ ná Maresha;+ bingumba libwa mpe bamboka na yango. 45  Ekrone+ ná basité oyo esimbami na yango mpe bamboka na yango. 46  Banda na Ekrone na wɛsti, nyonso oyo ezali pembenipembeni ya Ashedode mpe bamboka na yango. 47  Ashedode,+ basité oyo esimbami na yango mpe bamboka na yango; Gaza,+ basité oyo esimbami na yango mpe bamboka na yango, kitá tii na lobwaku ya mokɛli ya Ezipito, Mbu Monene mpe etúká oyo ekangani na yango.+ 48  Mpe na etúká ya ngombangomba: Shamire, Yatire+ ná Soko, 49  Dana ná Kiriate-sana, elingi koloba: Debire, 50  Anabe, Eshetemo+ ná Anime, 51  Goshene,+ Holone, ná Gilo;+ bingumba zomi na moko mpe bamboka na yango. 52  Arabe, Duma ná Eshane, 53  Yanime, Bete-tapua ná Afeka, 54  Humuta ná Kiriate-arba, elingi koloba: Hebrone+ ná Ziore; bingumba libwa mpe bamboka na yango. 55  Maone,+ Karamele, Zife+ ná Yuta, 56  Yizireele, Yokodeame ná Zanoa, 57  Kaine, Gibea ná Timina;+ bingumba zomi mpe bamboka na yango. 58  Halule, Bete-zure ná Gedore, 59  Maarate, Bete-anote ná Eletekone; bingumba motoba mpe bamboka na yango. 60  Kiriate-baala,+ elingi koloba: Kiriate-yearime,+ ná Raba; bingumba mibale mpe bamboka na yango. 61  Na esobe: Bete-araba,+ Midine ná Sekaka, 62  Nibishane, Engumba ya Mungwa ná Ene-gedi;+ bingumba motoba mpe bamboka na yango. 63  Na oyo etali Bayebusi+ oyo bazalaki kofanda na Yerusaleme,+ bana ya Yuda bakokaki kobengana bango te;+ mpe bazali kofanda elongo na bana ya Yuda na Yerusaleme tii na mokolo ya lelo.

Maloba na nse

To, “Bongo akitaki na mpunda.”
Elimboli, “Bisika ya mai.”