Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Yosua 14:1-15

14  Mpe talá libula oyo bana ya Yisraele bazwaki na mokili ya Kanana,+ libula oyo nganga-nzambe Eleazare mpe Yosua mwana ya Nunu mpe bankumu ya batata ya mabota ya bana ya Yisraele bapesaki bango.+  Libula na bango ekabolamaki na nzela ya mbɛsɛ,+ ndenge Yehova apesaki mitindo na nzela ya Moize mpo na mabota libwa mpe mpo na ndambo moko ya libota.+  Mpo Moize apesaki libula na mabota mosusu mibale mpe na ndambo mosusu ya libota na ngámbo mosusu ya Yordani;+ kasi apesaki Balevi libula te na kati na bango.+  Mpamba te bana ya Yozefe bakómaki mabota mibale,+ Manase+ ná Efraime;+ mpe bapesaki Balevi libula te na mokili yango, longola kaka bingumba+ ya kofanda mpe bisika mpo na koleisa bibwɛlɛ na bango matiti mpe mpo na biloko na bango.+  Bana ya Yisraele basalaki se ndenge Yehova apesaki Moize mitindo; mpe bakabolaki mokili yango.  Na nsima, bana ya Yuda bayaki epai ya Yosua na Gilgale+ mpe Kalebe+ mwana ya Yefune Mokenize+ alobaki na ye boye: “Yo, oyebi malamu liloba oyo Yehova alobaki+ na Moize, moto ya Nzambe ya solo,+ mpo na ngai mpe mpo na yo na Kadeshe-barnea.+  Nazalaki na mbula ntuku minei (40) ntango Moize mosaleli ya Yehova atindaki ngai uta na Kadeshe-barnea mpo na konɔnga mokili,+ mpe nayaki koyebisa ye makambo ndenge ezalaki na motema na ngai.+  Nde bandeko na ngai oyo bamataki na ngai elongo balɛmbisaki motema ya bato;+ kasi ngai, nalandaki Yehova Nzambe na ngai na makambo nyonso.+  Na yango, Moize alapaki ndai na mokolo yango ete: ‘Mokili oyo lokolo na yo enyataki+ ekokóma libula na yo mpe ya bana na yo mpo na ntango oyo etyami ndelo te, mpamba te olandaki Yehova Nzambe na yo na makambo nyonso.’+ 10  Mpe sikoyo, talá Yehova abateli ngai na bomoi,+ ndenge alakaki,+ mbula ntuku minei na mitano (45) oyo, banda Yehova apesaki Moize elaka yango, ntango Yisraele ezalaki kotambola na esobe,+ mpe talá nakómi sikoyo na mbula ntuku mwambe na mitano (85). 11  Atako bongo, nazali na makasi lelo kaka ndenge nazalaki na mokolo oyo Moize atindaki ngai.+ Ndenge nguya na ngai ezalaki na ntango wana, ndenge mpe ezali sikoyo mpo na etumba, mpo na kobima mpe mpo na kokɔta.+ 12  Bongo sikoyo, pesá ngai etúká oyo ya ngombangomba, oyo Yehova alakaki na mokolo wana,+ mpamba te yo moko oyokaki na mokolo yango ete Baanakime+ bazalaki kuna ná bingumba minene oyo ebatelami makasi.+ Nabanzi Yehova akozala na ngai elongo,+ mpe nakobɔtɔla mpenza mokili na bango, ndenge Yehova alakaki.”+ 13  Na yango, Yosua apambolaki ye mpe apesaki Kalebe mwana ya Yefune Hebrone, ezala libula na ye.+ 14  Yango wana Hebrone ekómá libula ya Kalebe mwana ya Yefune Mokenize tii na mokolo ya lelo, mpamba te alandaki Yehova Nzambe ya Yisraele na makambo nyonso.+ 15  Liboso, nkombo ya Hebrone ezalaki Kiriate-arba+ (Arba+ yango azalaki moto monene na kati ya Baanakime). Mpe mokili yango ekómaki na kimya, bitumba ezalaki te.+

Maloba na nse