Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Yobo 40:1-24

40  Bongo Yehova ayanolaki Yobo mpe alobaki:   “Moto oyo alukaka mabunga asengeli nde kobunda na Mozwi-ya-Nguya-Nyonso?+ Moto oyo azali kopamela Nzambe ye moko apesa eyano na likambo yango.”+  Bongo Yobo ayanolaki Yehova mpe alobaki ete:   “Talá! Nakómi eloko mpamba.+ Nayanola yo nini? Natye lobɔkɔ na monɔkɔ na ngai.+   Nalobi mbala moko, mpe nakoyanola te; Mpe mbala mibale, mpe nakobakisa eloko te.”  Bongo Yehova akobaki koyanola Yobo na kati ya mopɛpɛ makasi+ mpe alobaki:   “Nabondeli yo, kangá loketo na yo lokola mobali moko makasi;+ Ngai nakotuna yo, bongo yo yebisá ngai.+   Ya solo mpenza, okokómisa nde bosembo na ngai eloko mpamba? Okotánga nde ngai moto mabe mpo yo ozala na elonga?+   To ozali nde na lobɔkɔ lokola oyo ya Nzambe ya solo,+ Mpe okoki nde konguluma lokola nkake na mongongo lokola oyo ya ye?+ 10  Nabondeli yo, omilatisa bonene+ ná kotombwana;+ Mpe omilatisa lokumu+ ná nkembo.+ 11  Tiká kongala makasi ya nkanda na yo esopana,+ Mpe talá moto nyonso ya lofundo mpe kitisá ye na nse. 12  Talá moto nyonso ya lofundo, kitisá ye,+ Mpe nyatanyatá bato mabe na esika mpenza oyo bazali. 13  Bombá bango nyonso elongo na kati ya putulu,+ Kangá bilongi na bango na esika ya kobombana, 14  Bongo ngai, ɛɛ ngai, nakokumisa yo, Mpo lobɔkɔ na yo ya mobali ekoki kobikisa yo. 15  Talá Behemote oyo nasalá ndenge mpe nasalá yo. Elyaka matiti ya mobesu+ ndenge ngɔmbɛ-mobali elyaka. 16  Talá, nguya na yango ezalaka na loketo na yango, Mpe bokasi na yango+ ezali na misisa ya libumu na yango. 17  Egumbaka mokila na yango lokola nzete ya sɛdrɛ; Mintulu ya bibɛlɔ na yango elíngamalíngamá. 18  Mikuwa na yango ezali batiyo ya motako; Mikuwa na yango ya makasi ezali lokola mangenda ya bibende oyo etulami. 19  Yango ezali ebandeli ya banzela ya Nzambe; Mokeli+ na yango akoki kobɛlɛmisa mopanga na ye. 20  Mpo bangomba ebotelaka yango mbuma,+ Mpe banyama nyonso ya zamba oyo efandaka na esobe esakanaka kuna. 21  Elalaka na nse ya banzete ya lotisi ya nzubɛnzubɛ, Na esika oyo ebombani na matiti ya ebale+ mpe na esika ya pɔtɔpɔtɔ.+ 22  Banzete ya lotisi ya nzubɛnzubɛ ebombaka yango na elili na yango; Banzete ya arava ya lobwaku ya mokɛli ezingaka yango. 23  Soki ebale ezali kotomboka, ekimaka te na nsɔmɔ. Ebangaka te, ata soki Yordani+ emibwaki na monɔkɔ na ye. 24  Moto akoki nde kokanga ye boye na miso na ye? Moto akoki nde kotɔbɔla zolo na ye na mitambo?

Maloba na nse