Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Yobo 4:1-21

4  Bongo Elifaze+ Motemane ayanolaki mpe alobaki:   “Soki moto ameki koloba na yo, okolɛmba?Kasi nani akoki kopekisa maloba?   Talá! Osembolá bato mingi,+Mpe mabɔkɔ oyo elɛmbaki, ozalaki kolendisa yango.+   Moto nyonso oyo azalaki kobɛta libaku, maloba na yo ezalaki kotɛlɛmisa ye;+Mpe mabɔlɔngɔ oyo ezalaki kogumbama, ozalaki kokembisa yango.+   Kasi na mbala oyo, ekómeli yo, mpe olɛmbi;Ezwi yo mpenza, mpe obulungani.   Limemya na yo ya Nzambe, yango te nde esimbi elikya na yo?Elikya na yo, yango te nde bosembo+ ya banzela na yo?   Kanisá naino, nabondeli yo: Moto nani oyo azali na likambo te bongo abebisamá?Mpe epai wapi bato ya sembo+ basilisamá?   Na kotalela oyo ngai namoná, baoyo bazali kokana makambo oyo eyokisaka mpasi Mpe baoyo bazali kolona mpasi bakobuka yango bango moko.+   Na mpema oyo euti na zolo ya Nzambe bazali kobeba,Mpe soki afuli nkanda na ye bazali kosuka. 10  Konguluma ya nkɔsi eyokanaka, ná mongongo ya mwana ya nkɔsi,Kasi ata mino ya bana-nkɔsi oyo nkingo etondi na nsuki ebukanaka. 11  Nkɔsi ekufaka mpo nyama ya kolya ezali te,Mpe bana ya nkɔsi bakabwanaka. 12  Bayelaki ngai liloba moko na kobombana,Mpe litoi na ngai eyokaki mwa nungunungu na yango,+ 13  Na makanisi oyo ebulunganisaka, oyo euti na bimonaneli ya butu,Ntango mpɔngi makasi ekwelaka bato. 14  Nsɔmɔ ekangaki ngai, ná kolɛnga,Mpe ebele ya mikuwa na ngai etondaki na nsɔmɔ. 15  Bongo elimo moko elekaki likoló ya elongi na ngai;Nsuki ya nzoto na ngai ebandaki kotɛlɛma. 16  Mpe elimo yango ebandaki kotɛlɛma,Kasi nayebaki lolenge ya elongi na yango te;Elilingi moko boye ezalaki liboso ya miso na ngai;Kimya ezalaki, kasi na nsima nayokaki mongongo moko elobi ete: 17  ‘Moto—mowei mpamba—akoki nde kozala sembo koleka Nzambe ye moko?To mobali makasi akoki nde kozala pɛto koleka Mokeli na ye?’ 18  Talá! andimelaka basaleli na ye te,Mpe alobaka ete bamemi-nsango na ye bazali na mbeba. 19  Bongo ekozala boni mpo na baoyo bafandaka na bandako ya mabele ya lima,Oyo moboko ezali na kati ya putulu!+Banyataka bango mpambampamba, kutu koleka mbombo. 20  Banda ntɔngɔ tii mpokwa, bazali kobukabuka bango;Bakufi libela kozanga ete moto atya likebi. 21  Nsinga ya hema na bango elongolami na kati na bango te?Bazali kokufa mpo bazangi bwanya.

Maloba na nse