Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Yobo 13:1-28

13  “Talá! Liso na ngai emoná nyonso wana, Litoi na ngai eyoká mpe etalelaka yango.   Oyo bino boyebi, ngai mpe nayebi yango malamu; Bino boleki ngai te.+   Nzokande, ngai nalingi kosolola nde na Mozwi-ya-Nguya-Nyonso,+ Mpe nakosepela nde kolobana na Nzambe.   Lisusu, bino bozali bato oyo bapakolaka basusu lokuta na nzoto;+ Bino nyonso bozali minganga ya ntina te.+   Soki bófandaka ata nyɛɛ mpenza, Mpo emonana ete bozali na bwanya!+   Nabondeli bino, bóyoka makanisi na ngai oyo ekeseni na oyo ya bino,+ Mpe bótya likebi na kosamba ya mbɛbu na ngai.   Bino bokoloba nde makambo oyo ezangi boyengebene na nkombo ya Nzambe, Mpe bokoloba nde makambo ya bokosi na nkombo na ye?+   Bokomonisa koponapona+ na kokɔteláká ye, To bokowelana na kosamba mpo na Nzambe ya solo?   Ekozala nde malamu ye alandela bino?+ To bokosakana na ye ndenge basakanaka na moto—mowei mpamba? 10  Akopamela bino mpenza+ Soki na kobombana bomonisi koponapona;+ 11  Lokumu na ye ekolɛngisa nde bino na kobanga te, Mpe nsɔmɔ na ye ekokwela nde bino te?+ 12  Maloba na bino oyo etikalá na minɔkɔ ya bato ezali masese ya putulu ya mɔtɔ; Matutu ya banguba na bino ezali matutu ya banguba ya mabele ya lima.+ 13  Bófanda nyɛɛ liboso na ngai, mpo ngai moko naloba. Bongo oyo ekoyela ngai eya! 14  Mpo na nini nazali komema mosuni na ngai na mino na ngai Mpe nazali kotya molimo na ngai na likama?+ 15  Ata soki abomaka ngai, nalingaki nde kozela te?+ Nalingaki kaka kolobela banzela na ngai na miso na ye. 16  Alingaki mpe kozala lobiko na ngai,+ Mpo liboso na ye, mopɛngwi moko te akokɔta.+ 17  Bóyoka liloba na ngai tii na nsuka,+ Mpe makambo oyo nazali koloba ekɔta na matoi na bino. 18  Talá! Nabondeli bino, nayei na likambo moko bákata;+ Nayebi malamu ete ngai nazali na elonga. 19  Nani akowelana na ngai?+ Mpo sikoyo soki nakangi monɔkɔ, nakokufa nde kokufa! 20  Nde makambo mibale, kosala ngai yango te; Boye nakomibomba te mpo na yo;+ 21  Longolá lobɔkɔ na yo likoló na ngai, Mpe nsɔmɔ na yo—ebangisa ngai te.+ 22  To bengá ngai mpe nakondima; To tiká naloba, mpe okoyanola ngai. 23  Na ndenge nini ngai nazali na mabunga mpe na masumu? Yebisá ngai botomboki na ngai mpe lisumu na ngai. 24  Mpo na nini ozali kobomba elongi na yo+ Mpe ozali kozwa ngai lokola monguna na yo?+ 25  Okolɛngisa nde lokasa mpamba oyo ememami na mopɛpɛ, To okolandalanda nde mwa matiti ya blé oyo ekauká? 26  Mpo ozali se kokomela ngai makambo ya bololo+ Mpe ozali komemisa ngai bampasi ya mabunga ya bolenge na ngai.+ 27  Ozali mpe kotika makolo na ngai na bikanga-makolo,+ Mpe ozali kotalatala banzela na ngai nyonso; Ozali kokatela matambe na ngai ndelo na yo. 28  Mpe ye azali lokola eloko moko oyo epɔlá, oyo ezali kolyama;+ Lokola elamba oyo ndɔngɛ ezali mpenza kolya.+

Maloba na nse