Lakisá makambo oyo ezali na kati

kende na sous-menu

Kende na mitó ya makambo

Batatoli ya Yehova

Lingala

Biblia na Internet | BIBLIA - LIBONGOLI YA MOKILI YA SIKA

Yobo 10:1-22

10  “Molimo na ngai eyoki bomoi na ngai mpii mpenza.+ Nakobimisa lobanzo oyo nazali na yango mpo na ngai moko. Nakoloba na bololo ya molimo na ngai!   Nakoloba na Nzambe boye: ‘Kotánga ngai moto mabe te.Yebisá ngai mpo na nini ozali kowelana na ngai.   Mpo na yo, ezali malamu ete osala mabe,+Ete obwaka mbuma ya mosala makasi ya mabɔkɔ na yo,+ Mpe ongɛngisa toli ya bato mabe?   Ozali nde na miso+ ya mosuni,To omonaka nde ndenge moto—mowei mpamba—amonaka?+   Mikolo na yo ezali nde lokola mikolo ya moto—mowei mpamba,+To bambula na yo lokola mikolo ya mobali makasi,   Mpo oluka komona libunga na ngaiMpe okoba koluka lisumu na ngai?+   Atako oyebi ete nasali mabe te,+Mpe ezali na moto te oyo akoki kobikisa na lobɔkɔ na yo?+   Mabɔkɔ na yo moko eyemaki ngai, bongo esalaki ngai+Na mobimba na ngai, mpe atako bongo olingi kosala ngai mabe.   Nabondeli yo, kobosana te ete osalaki ngai na mabele ya lima+Mpe okozongisa ngai na putulu.+ 10  Osopaki ngai lokola miliki teMpe okangisaki ngai lokola fromaje te?+ 11  Olatisaki ngai loposo mpe mosuniMpe olitaki ngai na mikuwa mpe na mintulu.+ 12  Opesaki ngai bomoi mpe omoniselaki ngai motema boboto;+Mpe likebi na yo+ ebatelaki elimo na ngai. 13  Mpe obombi makambo yango na motema na yo.Nayebi malamu ete makambo yango ezali elongo na yo. 14  Soki nasali lisumu mpe yo okobi kotalatala ngai+Mpe na libunga na ngai ozali kotánga ngai te lokola moto oyo azali na likambo te;+ 15  Soki nasali mpenza mabe, mawa na ngai mpenza!+Mpe soki nazali na elonga, nakoki kotombola motó te,+Natondi na nsɔni mpe natondi na mpasi+ mɛkɛ. 16  Mpe soki esali lolendo,+ lokola mwana-nkɔsi, okolukaluka ngai,+Mpe okolakisa lisusu ete ozali moto oyo azali kosalela ngai makamwisi. 17  Okobimisa batatoli na yo ya sika liboso na ngai,Mpe okosilikela ngai makasi koleka;Nazali kaka na mpasi na mpasi. 18  Bongo mpo na nini obimisaki ngai na libumu?+Soki nakufaka na ngai, mpo liso ata moko te emona ngai, 19  Wana mbɛlɛ nakómá lokola nde nazalaki te;Balingaki komema ngai longwa na libumu kino na lilita.’ 20  Mikolo na ngai ezali nde moke te?+ Atika,Alongola miso na ye epai na ngai, mpo nafungola elongi+ mwa moke 21  Liboso ete nakende—mpe nakozonga te+Na mokili ya molili mpe ya molili makasi,+ 22  Na mokili ya moindo lokola molili tuu, ya molili makasiMpe ya mobulu, esika kongɛnga ezalaka te ndenge kaka molili engɛngaka te.”

Maloba na nse